Дзæуджыхъæуы сбæрæг сты, ирон æвзагыл хуыздæр чи фыссы, уыцы журналистты куыстытæ
Дзæуджыхъæуы сбæрæг сты, ирон æвзагыл хуыздæр чи фыссы, уыцы журналистты куыстытæ. «Мæ уарзон Ирыстон» æрвылазон республикон премийы æркастæн хатдзæгтæ скодтой. Хуыздæрты схорзæхджын кодта республикæйы хицауады сæрдар Дзанайты Барис. Равзæрстой телеуынынады, мыхуыры æмæ интернеты фæрæзты хуыздæр æрмæдждытæ. «Мыхуыры æрмæджытæ» номинацийы преми снысан кодтой журнал «Мах дуг»-ы журналист Дзугаты Римæйæн. «Радиойы æрмæджытæ» номинацийы рамбылдта Паддзахадон телерадиокомпани «Алани»-йы радиойы службæйы журналист Налдыхъуаты Зæлинæ. «Интернеты фæрæзты æрмæджытæ» номинацийы хуыздæрыл банымадтой информацион портал «15-æм Регион»-ы журналист Колыты Людмилæйы. Национ телекомпани «Осетия-Ирыстон»-ы журналист Зыхъуаты Жаннæ рамбылдта «Телевизион æрмæджытæ» номинацийы. «Афæдзы темæ»-йы та фæуæлахиз сывæллæтты журнал «Ногдзау»-ы редактор Сæлбиты Дианæ. Уæлахиздзаутæн радтой димпломтæ æмæ æхцайы премитæ.
Дзæуджыхъæуы сбæрæг сты, ирон æвзагыл хуыздæр чи фыссы, уыцы журналистты куыстытæ. «Мæ уарзон Ирыстон» æрвылазон республикон премийы æркастæн хатдзæгтæ скодтой. Хуыздæрты схорзæхджын кодта республикæйы хицауады сæрдар Дзанайты Барис. Равзæрстой телеуынынады, мыхуыры æмæ интернеты фæрæзты хуыздæр æрмæдждытæ. «Мыхуыры æрмæджытæ» номинацийы преми снысан кодтой журнал «Мах дуг»-ы журналист Дзугаты Римæйæн. «Радиойы æрмæджытæ» номинацийы рамбылдта Паддзахадон телерадиокомпани «Алани»-йы радиойы службæйы журналист Налдыхъуаты Зæлинæ. «Интернеты фæрæзты æрмæджытæ» номинацийы хуыздæрыл банымадтой информацион портал «15-æм Регион»-ы журналист Колыты Людмилæйы. Национ телекомпани «Осетия-Ирыстон»-ы журналист Зыхъуаты Жаннæ рамбылдта «Телевизион æрмæджытæ» номинацийы. «Афæдзы темæ»-йы та фæуæлахиз сывæллæтты журнал «Ногдзау»-ы редактор Сæлбиты Дианæ. Уæлахиздзаутæн радтой димпломтæ æмæ æхцайы премитæ.