Бæслæны ныртæккæ æнтыстджынæй аразынц фæлладуадзæн парк
Бæслæны ныртæккæ æнтыстджынæй аразынц фæлладуадзæн парк. Проект хъæздыг у нырыккон æмæ цымыдисаг æууæлтæй. Кусыныл райдыдтой ивгъуыд азы уалдзæджы. Ацы бынат бирæтæн уарзон кæй суыдзæн, уый дызæрдыггаг нæу. Ныридæгæн куыстытæ цы къæпхæныл сты, уый тыххæй радзурдзæн нæ уацхæссæг Калоты Дзерассæ. Æмæ уый парчы цы уыдзæн, уымæн у æрмæст йæ чысыл хай, зæгъы объекты сæйраг инженер. Фистæгдзæуджыты æмæ тезгъо кæнæн фæндæгтæ, спортивон фæзтæ. Уыимæ музыкалон фонтантæ æмæ ма суанг сценæимæ амфитеатр дæр. Куыстытæ ныридæгæн сты сæ тæмæны. Парк аразын райдыдтой фарон мартъийы. Æрвылбон ам архайынц 60 адæймаджы æмæ техникæйы 30 иуæджы. Ныридæгæн дæр сын бирæ бантыст. Бауагътой æппæт инженерон хызтæ. Тратуарон плиткæйы 20 мин квадратон метрæй сæвæрдтой 15. Ис дзы рухсдæттæн системæтæ. Тагъд дзы фæзындзæн фонтан æмæ цад. Уæлдай æргом аздахдзысты цъæхфæлыстæй аив кæныны хъуыддагмæ. Бæлæстæ та дзы уыдзæн бирæ. Сентябры нысадздзысты 450 декоративон хуызы. Сæвæрдзысты дзы бандæттæ æмæ бырондæттæ. Лыстæггай ахъуыды кодтой æдасдзинады системæйыл дæр, уыдзæн дзы видеоцæстдарды 150 камерæйы. Сараздзысты администрацийы бæстыхæйттæ, контролон-уадзæн æмæ пъæлицæйы пункттæ. Проектмæ гæсгæ дзы уыдзæн хæдтулгæтæ уромæн дыууæ бынаты. Парчы фæзуат у 22 гектары. Куыстытæ кæронмæ сæххæст кæнын фæнд кæнынц афæдзы кæрон - декабры.
Бæслæны ныртæккæ æнтыстджынæй аразынц фæлладуадзæн парк. Проект хъæздыг у нырыккон æмæ цымыдисаг æууæлтæй. Кусыныл райдыдтой ивгъуыд азы уалдзæджы. Ацы бынат бирæтæн уарзон кæй суыдзæн, уый дызæрдыггаг нæу. Ныридæгæн куыстытæ цы къæпхæныл сты, уый тыххæй радзурдзæн нæ уацхæссæг Калоты Дзерассæ. Æмæ уый парчы цы уыдзæн, уымæн у æрмæст йæ чысыл хай, зæгъы объекты сæйраг инженер. Фистæгдзæуджыты æмæ тезгъо кæнæн фæндæгтæ, спортивон фæзтæ. Уыимæ музыкалон фонтантæ æмæ ма суанг сценæимæ амфитеатр дæр. Куыстытæ ныридæгæн сты сæ тæмæны. Парк аразын райдыдтой фарон мартъийы. Æрвылбон ам архайынц 60 адæймаджы æмæ техникæйы 30 иуæджы. Ныридæгæн дæр сын бирæ бантыст. Бауагътой æппæт инженерон хызтæ. Тратуарон плиткæйы 20 мин квадратон метрæй сæвæрдтой 15. Ис дзы рухсдæттæн системæтæ. Тагъд дзы фæзындзæн фонтан æмæ цад. Уæлдай æргом аздахдзысты цъæхфæлыстæй аив кæныны хъуыддагмæ. Бæлæстæ та дзы уыдзæн бирæ. Сентябры нысадздзысты 450 декоративон хуызы. Сæвæрдзысты дзы бандæттæ æмæ бырондæттæ. Лыстæггай ахъуыды кодтой æдасдзинады системæйыл дæр, уыдзæн дзы видеоцæстдарды 150 камерæйы. Сараздзысты администрацийы бæстыхæйттæ, контролон-уадзæн æмæ пъæлицæйы пункттæ. Проектмæ гæсгæ дзы уыдзæн хæдтулгæтæ уромæн дыууæ бынаты. Парчы фæзуат у 22 гектары. Куыстытæ кæронмæ сæххæст кæнын фæнд кæнынц афæдзы кæрон - декабры.