Паддзахадон автоинспекцийы кусджытæ сарæзтой профилактикон мадзал

Транспортон фыдбылызтæ ма 'руадзын, фæндаггон змæлды фæтк халджыты нымæц фæкъаддæр кæнын, адæмы цард æмæ æнæниздзинад бахъахъхъæнын.  Ахæм нысанимæ профилактикон мадзал сарæзтой Паддзахадон автоинспекцийы кусджытæ. Уыдон хæдтулгæты хицæуттæм фæсидтысты, цæмæй фæндæгтыл къæрцъхъусдæр уой, талынг афон уæлдай тынгдæр кæсой фæндаггæрæттæм, æдасдзинады ронæй сæхи æнæмæнг бæттой, сывæллæтты сæрмагонд креслæты ласой æмæ куыд æмбæлы, уымæй тагъддæр ма цæуой. Специалисттæ ма шофырты зæрдыл æрлæууын кодтой, сæхиуыл æгæр куы æууæндой, æнæхъæугæ тагъд куы скъæрой хæдтулгæтæ æмæ фæндаггон фæтк куы халой, уæд уый æвзæр фæстиуджытæм кæй асайы.