Дзæуджыхъæуы уыд скъолайы агъоммæ ахуырады проектон сессии

Дзæуджыхъæуы ацыд скъолайы агъоммæ ахуырады фæдыл проектон сесси. Æрныхас дзы кодтой хъомылгæнæг-зондамонæг æмæ методист цавæр миниуджытæй хъуамæ æххæст уой, ууыл. Ахæм статус райсынæн цы хъæуы? Сæйрагдæр сты куыстадон стаж, æмбæлгæ ахуырад райсын æмæ категори. Мадзалы архайдтой æппæт районты минæвæрттæ - рæвдауæдæтты разамонджытæ æмæ хъомылгæнджытæ. Адих сæ кодтой 2 къордыл. Сæ сæйраг хæс - домæнты номхыгъд саразын. Уый фæстæ та рахæсдзысты статусы тыххæй уынаффæ. Ахæм специалистæн йæ бон райсын у уæлæмхасæн фиддон йæ мыздмæ.