Республикæмæ кусæг балцы ссыдысты Китайы минæвæрттæ

Республикæмæ кусæг балцы ссыдысты Китайы минæвæрттæ. Абон фембæлыдысты Цæгат Ирыстоны разамындимæ. Пленарон æмбырды архайдтой хицауады сæрдар Дзанайты Барис, Уæрæсейы транспорты министрады паддзахадон арæны сæрты уадзæн пункттæ ифтонг кæнæн къабазы фæдыл паддзахадон политикæйы департаменты директор Кокайты Михаил æмæ вице-премьер Икъаты Русланбег. Æмбырды æрныхас кодтой Уæрæсе æмæ Китайы æхсæн арæны уадзæн пунктты модернизацийыл. Уымæй уæлдай ма æрдзырдтой хицауадты æхсæн бадзырдты проекттæ иу бындурмæ æрхæссын, стæй кæцыдæр уадзæн пункттæ суткæгай кусыны фæткмæ раивыны фарстатыл дæр. Райсом Китайы минæвæрттæ фæнд кæнынц уадзæн пункт "Уæллаг Ларс" бабæрæг кæнын.