Дзæуджыхъæуы 13-æм скъолайы ахуырдзаутæ бабæрæг кодтой национ музей

Нæ райгуырæн зæххы историйы цымыдисаг цаутæ базонын, стæй æмбал кæмæн нæй, ахæм экспонаттæ фенын. Ахæм культурон-рухстауæн программæтæ скуыстой Цæгат Ирыстоны скъоладзаутæн Уæрæсейы культурæйы фонды номæй. Аразгæ та сæ кæны сывæллæтты æмæ æрыгæтты туризм æмæ экскурситы республикон центр. Скъоладзаутæн аразынц зонадон экскурситæ дыууæ бæстыхайы - Вахтанговы номыл хæдзар æмæ национ музейы. Бабæрæг æй кодтой Дзæуджыхъæуы 13-æм скъолайы ахуырдзаутæ. Культурон-рухстауæн программæтæ ахæссдзысты июлы кæронмæ. Бацархайдзысты дзы 5 мин скъоладзаумæ хæстæг. Зæгъын ма хъæуы уый, æмæ ацы мадзæлттæ арæзт цæуынц национ проект "Культура"-мæ цы федералон проект "Сфæлдыстадон адæм", зæгъгæ, хауы, уый фæлгæты.