Фыццаг æппæтуæрæсеон фестиваль "Вахтангов. Путь домой"-мæ цæттæгæнæн куыстытæ сты сæ тæмæны
Фыццаг æппæтуæрæсеон фестиваль "Вахтангов. Путь домой"-мæ цæттæгæнæн куыстытæ сты сæ тæмæны. Мадзал райдайдзæн 13-æм июлы æмæ цæудзæн куъуырийы дæргъы. Сæрибардзинады фæзы ныридæгæн æвæрынц сценæ. Пъланмæ хаст æрцыдысты алывæрсыг мадзæлттæ. Æппæт лыстæгдзинæдтыл æрдзырдтой сæрмагонд æмбырды. Амыдта йæ вице-премьер Платы Альбинæ. Сабырдзинады проспекты уыдзæн бæрæгбоны цыд, бацархайæн дзы уыдзæн кæй фæнды, уыдонæн се 'ппæтæн дæр. Уæрæсейы зындгонд артисттæ та сæ курдиат равдисдзысты ирон æмæ уырыссаг театрты сценæйыл. Республикæйы цæрджытæм ма æнхъæлмæ кæсы егъау ахуырадон программæ дæр. Цымыдисаг хабар та уыдзæн Евгний Вахтанговы царды æмæ сфæлдыстады тыххæй аудиоспектакль. Фестивалы кæронбæттæны бон та арæзт æрцæудзæн Уæрæсейы эстрадæйы хъуыстгонд зарæггæнджытимæ концерт. Дзæуджыхъæуы креативон индустрийы къабазы хуыздæр кусджытæн балæвар кæндзысты æхцайы призтæ.
Фыццаг æппæтуæрæсеон фестиваль "Вахтангов. Путь домой"-мæ цæттæгæнæн куыстытæ сты сæ тæмæны. Мадзал райдайдзæн 13-æм июлы æмæ цæудзæн куъуырийы дæргъы. Сæрибардзинады фæзы ныридæгæн æвæрынц сценæ. Пъланмæ хаст æрцыдысты алывæрсыг мадзæлттæ. Æппæт лыстæгдзинæдтыл æрдзырдтой сæрмагонд æмбырды. Амыдта йæ вице-премьер Платы Альбинæ. Сабырдзинады проспекты уыдзæн бæрæгбоны цыд, бацархайæн дзы уыдзæн кæй фæнды, уыдонæн се 'ппæтæн дæр. Уæрæсейы зындгонд артисттæ та сæ курдиат равдисдзысты ирон æмæ уырыссаг театрты сценæйыл. Республикæйы цæрджытæм ма æнхъæлмæ кæсы егъау ахуырадон программæ дæр. Цымыдисаг хабар та уыдзæн Евгний Вахтанговы царды æмæ сфæлдыстады тыххæй аудиоспектакль. Фестивалы кæронбæттæны бон та арæзт æрцæудзæн Уæрæсейы эстрадæйы хъуыстгонд зарæггæнджытимæ концерт. Дзæуджыхъæуы креативон индустрийы къабазы хуыздæр кусджытæн балæвар кæндзысты æхцайы призтæ.