Бинонты бон Дзæуджыхъæуы сбæрæг кодтой парахатæй

Бинонты, уарзондзинады æмæ иузæрдиондзинады бон Дзæуджыхъæуы сбæрæг кодтой парахатæй. Бæрæгбоны мадзæлттæ райдыдтой кадджын цыдæй. 55 бинонтæ сæ сабитимæ Церетелийы уынгæй рараст сты Центрон парчы онг. Уым бæрæгбон дарддæр саив кодтой кафджыты æмæ музыкалон номыртæй. Архайджытæн раарфæ кодта Хицауады сæрдары хæдивæг Платы Альбинæ æмæ фæллойы æмæ социалон райрæзты министр Айдарты Алинæ. Бирæсывæллонджын бинонтæн балæвар кодтой сертификаттæ. Концертон программæ уыд хъæздыг, цыд боны дæргъы.