Цæгат Ирыстоны фæфылдæр стджыты донорты регистр
Мæскуыйы облæсты цæрæг Дарья Фомина йæ сабибонтæй тох кодта æвзæр низимæ. Ныртæккæ йæ уавæрмæ зæрдæ нал æхсайы. Архайы спортæй æмæ кусы дохтырæй. Йæ цард цæхгæр аивта Ирыстойнаг чызг Тата Фрейбергы 'руаджы. Уый йын сси астæуыстæджы магъзы донор. Афтæ рауад æнæнхъæлæджы. Чызг архайдта хæрзаудæн акцийы, радта йæ туг, бахастой йæ сæрмагонд регистры хыгъдмæ. Æмæ йæм 4 азы фæстæ æрбадзырдтой, де 'ххуыс пациенты хъæуы, зæгъгæ. Наталья йæ нæ зыдта, чи у уыцы адæймаг, кæй донор уыдзæн. Сæйрагдæр ын уыд, адæмаджы кæй аирвæзын кæндзæн, уый. Æвæстиатæй ацыд Петербургмæ. Уым ын сарæзтой консультаци æмæ бæстон æркаст. Цы чызгæн баххуыс кодта, уыимæ та фембæлд цалдæр азы фæстæ. Æнæ цæссыгтæ æмæ цины æкъарæнтæй ацы цау нæ рауад. Дарья йæхæдæг дæр ныр кусы рынчындоны. Йæ ирвæзынгæнæг Наталья куыд зæгъы, афтæмæй кæд уый æрмæст иу адæймаджы цард бахъахъхъæдта, уæд Дарья та æрвылбон æххуыс кæны дæсгай адæмтæн. Дохтырты ныхæстæм гæсгæ, арæх адæм фæтæрсынц донор суæвынæй. Уымæн æмæ йæ бæстон нæ фæзонынц, цы кæнын сæ хъæуы, уый. Зæгъæм, адæмы афтæ фæхъуыды кæнынц, æмæ астæуыстæджы магъзы доноры фæхъæуы инъекци астæуы стæгыл скæнын. Уый афтæ нæу. Кæд æмæ ацы процедурæ 4 сахаты цæуы æмæ операци хуыйны, уæддæр у хуымæтæг, адæймаг цыма туг дæтты, афтæ. Процедурæ у æнцон. Зæгъын хъæуы уый, æмæ адæймаг вæййы лæмæгъ, фæлæ цалдæр боны фæстæ йæхи раздæрау хорз æнкъарын райдайы. Йæ туджы бæрц та фæстæмæ сног вæййы 2 къуырийы фæстæ. Операци саразынц нырыккон кусæнгæрзтыл. Донорты регистры ис бирæ фæсивæд. Алыхуызон бархион иугондты уæнгтæ. Уый тынг ахсджиаг у, фæсивæд кæй æмбарынц уавæр æмæ йæ аивыныл кæй архайынц. Донор уæвын у ахсджиаг æмæ хорз хъуыддаг. Нæ республикæйы æппынæдзух саразынц акцитæ. Уыдонæй иу - "Кавказы донор", зæгъгæ. Сæ архайд æххæст кæнынц 8 азы дæргъы. Сæ куысты хатдзæг та - 3,5 мин бархионы. Уыдон туг дæттын нымайынц сæ граждайнаг хæсыл, зæгъы хæрзаудæн фонд "Быть добру"-йы президент Хъуысаты Амырхан. Уæрæсейы æнæниздзинад хъахъхъæнынады министрады бæрæггæнæнтæм гæсгæ, æрвылаз нæ бæстæйы астуыстæджы магъзы донортæ фæхъæуы 5000 адæймагæй фылдæр. Уыдонæй 900-йы бæрц - сты сывæллæттæ. Уымæ гæсгæ та уæлдай ахсджиаг у донорты регистрмæ хи бахæссын æмæ искæмæн цард ногæй балæвар кæнын.
Мæскуыйы облæсты цæрæг Дарья Фомина йæ сабибонтæй тох кодта æвзæр низимæ. Ныртæккæ йæ уавæрмæ зæрдæ нал æхсайы. Архайы спортæй æмæ кусы дохтырæй. Йæ цард цæхгæр аивта Ирыстойнаг чызг Тата Фрейбергы 'руаджы. Уый йын сси астæуыстæджы магъзы донор. Афтæ рауад æнæнхъæлæджы. Чызг архайдта хæрзаудæн акцийы, радта йæ туг, бахастой йæ сæрмагонд регистры хыгъдмæ. Æмæ йæм 4 азы фæстæ æрбадзырдтой, де 'ххуыс пациенты хъæуы, зæгъгæ. Наталья йæ нæ зыдта, чи у уыцы адæймаг, кæй донор уыдзæн. Сæйрагдæр ын уыд, адæмаджы кæй аирвæзын кæндзæн, уый. Æвæстиатæй ацыд Петербургмæ. Уым ын сарæзтой консультаци æмæ бæстон æркаст. Цы чызгæн баххуыс кодта, уыимæ та фембæлд цалдæр азы фæстæ. Æнæ цæссыгтæ æмæ цины æкъарæнтæй ацы цау нæ рауад. Дарья йæхæдæг дæр ныр кусы рынчындоны. Йæ ирвæзынгæнæг Наталья куыд зæгъы, афтæмæй кæд уый æрмæст иу адæймаджы цард бахъахъхъæдта, уæд Дарья та æрвылбон æххуыс кæны дæсгай адæмтæн. Дохтырты ныхæстæм гæсгæ, арæх адæм фæтæрсынц донор суæвынæй. Уымæн æмæ йæ бæстон нæ фæзонынц, цы кæнын сæ хъæуы, уый. Зæгъæм, адæмы афтæ фæхъуыды кæнынц, æмæ астæуыстæджы магъзы доноры фæхъæуы инъекци астæуы стæгыл скæнын. Уый афтæ нæу. Кæд æмæ ацы процедурæ 4 сахаты цæуы æмæ операци хуыйны, уæддæр у хуымæтæг, адæймаг цыма туг дæтты, афтæ. Процедурæ у æнцон. Зæгъын хъæуы уый, æмæ адæймаг вæййы лæмæгъ, фæлæ цалдæр боны фæстæ йæхи раздæрау хорз æнкъарын райдайы. Йæ туджы бæрц та фæстæмæ сног вæййы 2 къуырийы фæстæ. Операци саразынц нырыккон кусæнгæрзтыл. Донорты регистры ис бирæ фæсивæд. Алыхуызон бархион иугондты уæнгтæ. Уый тынг ахсджиаг у, фæсивæд кæй æмбарынц уавæр æмæ йæ аивыныл кæй архайынц. Донор уæвын у ахсджиаг æмæ хорз хъуыддаг. Нæ республикæйы æппынæдзух саразынц акцитæ. Уыдонæй иу - "Кавказы донор", зæгъгæ. Сæ архайд æххæст кæнынц 8 азы дæргъы. Сæ куысты хатдзæг та - 3,5 мин бархионы. Уыдон туг дæттын нымайынц сæ граждайнаг хæсыл, зæгъы хæрзаудæн фонд "Быть добру"-йы президент Хъуысаты Амырхан. Уæрæсейы æнæниздзинад хъахъхъæнынады министрады бæрæггæнæнтæм гæсгæ, æрвылаз нæ бæстæйы астуыстæджы магъзы донортæ фæхъæуы 5000 адæймагæй фылдæр. Уыдонæй 900-йы бæрц - сты сывæллæттæ. Уымæ гæсгæ та уæлдай ахсджиаг у донорты регистрмæ хи бахæссын æмæ искæмæн цард ногæй балæвар кæнын.