Гуманитарон æххуыс Курскы облæсты цæрджытæн дарддæр æмбырд кæнынц

Гуманитарон æххуыс Курскы облæсты цæрджытæн дарддæр æмбырд кæнынц. Мадзал расидт Адæмон фронт. Æхсызгонæй дзы архайынц республикæйы цæрджытæ. Йе 'ххуысы хай бахаста Дзæуджыхъæуы цæрæг Ольга Могиленко дæр. Йæ сыхæгтимæ æрæмбырд кодта уæлæдарæс, чингуытæ. Адæмон фронты активисттæм аластой 40 дзæкъулы. Хæстæгдæр рæстæг сæ арвитдзысты Курскы облæсты гуманитарон æххуысы центрмæ. Акцимæ се 'ргом раздæхтой амалхъом адæм дæр. Уыдон самал кодтой скъоламæ хъæугæ дзауматæ æмæ хъазæнтæ.