Санкт-Петербурджы дарддæр цæуы æппæтадæмон экономикон форум
12 миллиард сомы инвестицитæ æмæ 8 мин куысты бынаты. Wildberries Цæгат Ирыстоны Горæтгæрон районы саразинаг у скълæдты комплекс, логистикон хаб кæй хонынц, ахæм. Æмгуыстады фæдыл бадзырд Санкт-Петербурджы æппæтадæмон экономикон форумы бафыстой Сергей Меняйло æмæ интернет-ретейлеры сæйраг директор Татьяна Бакальчук. Егъау инвестицион проект араздзысты цалдæр къæпхæнæй 2029-æм азмæ. Бæстыхайы æвæрдзысты æмæ уардзысты товартæ. Форумы дыккаг бон дæр рауад æнтыстджын. Сбер фылдæр æххуыс кæндзæн Цæгат Ирыстоны нымæцон экономикæ æмæ транспортон системæйы райфрæзтæн. Уый та ма у ноджы иу вазыгджын бадзырд. Йе 'руаджы рæздзæн горæты æхсæнадон траснпорт. Банчы æххуысæй ныридæгæн бæстонæй ног кæнынц республикæйы инфраструктурæ æмæ автопарк. Форумы æрныхас кодтой хъæууон хæдзарады фарстатыл дæр. Республикæйы фæнд кæнынц хъæрмуæтты комплекс æрыскъæфтæ рæзын кæнынæн саразын. Куыстуат «Аланийы адджын гагадыргътæ»-имæ ныридæгæн бадзырд бафыстой. Инвестор фæнд кæны проектыл 2 миллиард сомы схардз кæнын æмæ 250 куысты бынаты байгом кæнын. Комплексы иумæйаг бæстыхай бацахсдзæн 21 гектары. Цæгат Ирыстоны хицауад æмæ куыстуат "СКБ Контур" та иумæ бакусдзысты информацион технологиты рæзтыл. Куыстуаты специалисттæ араздзысты скъоладзаутæ æмæ студенттæн профориентацион ахуыртæ, республикæйы адæмы цард фæхуыздæр кæнынæн скусын кæндзысты хуыздæр информацион технологитæ æмæ системæтæ.
12 миллиард сомы инвестицитæ æмæ 8 мин куысты бынаты. Wildberries Цæгат Ирыстоны Горæтгæрон районы саразинаг у скълæдты комплекс, логистикон хаб кæй хонынц, ахæм. Æмгуыстады фæдыл бадзырд Санкт-Петербурджы æппæтадæмон экономикон форумы бафыстой Сергей Меняйло æмæ интернет-ретейлеры сæйраг директор Татьяна Бакальчук. Егъау инвестицион проект араздзысты цалдæр къæпхæнæй 2029-æм азмæ. Бæстыхайы æвæрдзысты æмæ уардзысты товартæ. Форумы дыккаг бон дæр рауад æнтыстджын. Сбер фылдæр æххуыс кæндзæн Цæгат Ирыстоны нымæцон экономикæ æмæ транспортон системæйы райфрæзтæн. Уый та ма у ноджы иу вазыгджын бадзырд. Йе 'руаджы рæздзæн горæты æхсæнадон траснпорт. Банчы æххуысæй ныридæгæн бæстонæй ног кæнынц республикæйы инфраструктурæ æмæ автопарк. Форумы æрныхас кодтой хъæууон хæдзарады фарстатыл дæр. Республикæйы фæнд кæнынц хъæрмуæтты комплекс æрыскъæфтæ рæзын кæнынæн саразын. Куыстуат «Аланийы адджын гагадыргътæ»-имæ ныридæгæн бадзырд бафыстой. Инвестор фæнд кæны проектыл 2 миллиард сомы схардз кæнын æмæ 250 куысты бынаты байгом кæнын. Комплексы иумæйаг бæстыхай бацахсдзæн 21 гектары. Цæгат Ирыстоны хицауад æмæ куыстуат "СКБ Контур" та иумæ бакусдзысты информацион технологиты рæзтыл. Куыстуаты специалисттæ араздзысты скъоладзаутæ æмæ студенттæн профориентацион ахуыртæ, республикæйы адæмы цард фæхуыздæр кæнынæн скусын кæндзысты хуыздæр информацион технологитæ æмæ системæтæ.