Дзæуджыхъæуы байгом кодтой сæрмагонд æфсæддон операцийы архайджытæн нысангонд равдыст

"Нæ рæстæджы хъайтартæ". Сæ цард сабырдзинды сæраппонд чи снывонд кодтой, уыдоны хъайтардзинадæн абон Дзæуджыхъæуы байгом равдыст. Экспозийы ис Цæгат Ирыстонæй сæрмагонд æфсæддон операцийы архайджыты 50 нывы æмæ графикон портреты. Нывты автортæ — республикæйы нывгæнджыты цæдисы уæнгтæ, профилон ахуыргæнæндæтты ахуыргæнджытæ æмæ студенттæ. Проектыл куыстой афæдзæй фылдæр. Ахæм хуызы сæ фæндыд равдисын, нæ æфсæддонты хъайтардзинад рох нæ уыдзæн. Равдыст фенæн уыдзæн 15-æм июлы онг. Уый фæстæ куыстытæ раддзысты æфсæддонты бинонтæ æмæ хæстæджытæн.