"Большая перемена" Æппæтуæрæсеон конкурс

Ирыстоны алæмæты бынæттимæ базонгæ уæвынæн ис æрмæст суткæ. Бонмæ æппæт цымыдисаг рæттæ фенын, кæй зæгъын æй хъæуы, нæ бантысдзæн. Фæлæ нæ æгъдæуттæ æмæ хъæздыгдзинæдтæн аргъ скæнæн ис, зæгъынц мадзаларазджытæ. "Большая перемена" æркасты уæлахиздзауты чи бацæттæ кодта, ахæм 106 педагогы, бæстæйы 55 регионæй. Се 'ппæт дæр республикæйы сты фыццаг хатт. Егъау куысты фæстæ разамонджытæ сты сæ фæллад уадзынмæ. Сæ бон райдыдта ахуырадон программæйæ. Центр "Эрудит"-ы уазджытæ фембæлдысты скъоладзаутæ, колледжты студенттæ æмæ педагогтимæ. Разамонджытæ сарæзтой цымыдисаг лекцитæ æмæ квесттæ. Хай кодтой сæ фæлтæрддзинадæй. Кусын къабазы райрæзты технологитæ æмæ инструменттыл. Æркаст "Большая перемена" фадат дæтты бæстæйы алхуызон горæттæй сывæллæттæн се сфæлдыстадон гæнæнтыл кусын. Уæлахиздзаутæ рамбулынц цымыдисаг балцтæ, æхцайы фæрæзтæ 100 минæй милуан сомы онг. Фидæны уыцы фæрæзтæй сæ бон спайда кæнæн уыдзæн ахуырады рæзты кæнæ хи куыст байгом кæнынæн. Дарддæр педагогтæ абалц кодтой Ирыстоны рæсугъддæр бынæтты цымыдисаг экскурсийы. Федтой мемориалон комплекс "Барбашовы фæз". Райсом та "Педагогон экспресс"-ы архайджытæ абалц кæндзысты Грознамæ. уый фæстæ Дербент æмæ Налцыкмæ.