Национ проект "Ӕнӕниздзинадхъахъхъӕнынад"-ы фæлгæты дзæбæхгæнæндæтты æвæрынц нырыккон ифтонггарз
Ныр 5 азы дӕргъы Дэвлина Гайдукова реабилитаци цæуы Сывӕллӕтты республикон рынчындоны. Уый тох кӕны гуырдзӕй рахӕсгӕ аномали — сколиозимӕ. Массаж, дзӕбӕхгӕнӕн физкультурӕ, парафин, гимнастикӕ, магнитотерапи — ӕрмӕст ӕрвылбоны процедурӕты иу хай. Æмæ уыдон ӕххуыс кӕнынц æнахъомæн . Хуыздæрырдæм ивддзинæдтæ ис, чызджы мады стыр цинӕн. Комплексон реабилитаци арæзт у канд специалистты куыст нӕ, фӕлӕ нырыккон ифтонггарзӕй пайда кӕнынæй дӕр. Ортопедион пациенттӕн ам ис сӕрмагонд асинтæ, къахвӕндӕгтӕ цӕуынӕн, антигравитацион дугъуадзӕнтӕ ӕмӕ бирӕ ӕндӕртӕ. Хицӕн аппараттӕ нысангонд сты уӕллаг ӕмӕ бинаг ӕрхӕджыты функцитӕ сног кӕнынӕн. Тренажерон зал та фадат дӕтты куыд къордты, афтӕ индивидуалон ахуыртӕ аразынӕн дӕр. Афӕдзы райдайӕнӕй ацы хайады балæггад кодтой 138 сывӕллонæн. Дзуццаты Жаннӕ — сывӕллӕтты республикон клиникон рынчындоны ортопед-травмотолог — Реабилитацийы хайады сывӕллӕттӕ исынц хъӕугӕ процедурӕты æххæст комплекс. Куы 'рбацæуынц, уæд арӕзт æрцæуы дисциплинарон командӕ. Вæййы дзы дохтыртæ-реабилитологтæ æмæ профилон специалисттӕ — ортопедтӕ, неврологтӕ, физиотерапевттӕ, дзæбæхгæнæн физкультурæйы дохтыртӕ. Нысангонд æрцӕуынц, реабилитацийы хайады ӕххӕстӕй кæй скæнынц, уыцы процедурӕтӕ. {ЗК} Фӕлӕ реабилитаци ӕрмӕст сывæллæтты нæ хъæуы. Хистӕртӕн ӕххуыс къаддӕр ахсджиаг нӕу. Ӕмӕ уыцы хъуыддаг 7-ӕм поликлиникӕйы æххæстæй кӕнынц. Иудадзыгон рынчынты 'хсӕн — Ӕлборты Беллӕ. Бирӕ азты дӕргъы сӕрмагондӕй ардӕм фæсиды, цӕмӕй йӕ астӕуыстӕджы остеохондроз къаддæр хъыгдара. Физиодзæбæхгæнынад, массаж, физкультурӕ — ӕппӕт хъӕугӕ процедурӕты комплекс сылгоймаг исы ам. Зæгъы, тынг разы кæй у, йӕ къухы цы фӕстиуджытӕ бафты, уыдонӕй. ÆЛБОРТЫ БЕЛЛÆ — Дохтыртӕ тынг дæсны сты. Астӕуккаг медперсонал дӕр афтӕ. Массажисттӕ дæр иттæх хорз зонынц сӕ хъуыддаг. Сӕ процедурӕтӕ адӕймагӕн тынг ӕххуыс сты. Ныхӕстӕй йын зӕгъӕн дæр нæй, сӕ процедурӕтӕ цас пайда сты, уый. Национ проект "Ӕнӕниздзинадхъахъхъӕнынад"-ы фӕрцы 7-ӕм поликлиникӕ зынгӕ фӕногдӕр кодта йӕ материалон-техникон бындур. Рахицӕн сын кодтой фӕрӕзтӕ физио-æмæ-механотерапийы 13 аппараты самал кӕнынӕн. Пайда сæ кӕнынц алы бон дӕр. Массажгӕнӕн кабинеттæм балхӕдтой ӕртӕ ног кушеткæ, уӕлӕмӕ чи исы, ахӕмтӕ. Уый бирӕ фенцондӕр кӕны рынчынтӕн процедурӕтӕ кæныны хъуыддаг. ТАХОЙТЫ СВЕТЛАНӔ — 7-æм ПОЛИКЛИНИКӔЙЫ РЕАБИЛИТАЦИЙЫ ХАЙАДЫ СӔРГЪЛӔУУӔГ — Пациенттæ раздӕр бацæуынц невролог кӕнӕ травматологмӕ. Уый фӕстӕ мах снысан кӕнӕм сӕрмагонд реабилитацийы курс. Алы рынчынтӕн дӕр алыхуызон вӕййы. Уый аразгӕ у диагноз, рынчыны уавӕр, йӕ фезмӕлдӕй. Хайады кусы сӕрмагонд къамис. Уый снысан кæны индивидуалон дзæбæхгæнæн программӕтӕ. Алы мӕй дӕр ам реабилитаци скӕнынц 25 пациенты, фӕстаг 3 мӕймæ та центры балæггад кодтой 75 адӕймагæн. Нырыккон аппаратурӕ фадат дӕтты туджы зилдух зынгӕ фӕхуыздӕр кӕнынӕн, куыд уӕллаг, афтӕ бинаг уӕнгты ӕрхӕджытыл бакусынӕн. Уыдон иууылдӕр сты ахсджиаг къахдзӕфтӕ змӕлыны функцитӕ ӕмӕ царды хӕрзхъӕддзинад фӕхуыздӕр кӕныны фӕндагыл.
Ныр 5 азы дӕргъы Дэвлина Гайдукова реабилитаци цæуы Сывӕллӕтты республикон рынчындоны. Уый тох кӕны гуырдзӕй рахӕсгӕ аномали — сколиозимӕ. Массаж, дзӕбӕхгӕнӕн физкультурӕ, парафин, гимнастикӕ, магнитотерапи — ӕрмӕст ӕрвылбоны процедурӕты иу хай. Æмæ уыдон ӕххуыс кӕнынц æнахъомæн . Хуыздæрырдæм ивддзинæдтæ ис, чызджы мады стыр цинӕн. Комплексон реабилитаци арæзт у канд специалистты куыст нӕ, фӕлӕ нырыккон ифтонггарзӕй пайда кӕнынæй дӕр. Ортопедион пациенттӕн ам ис сӕрмагонд асинтæ, къахвӕндӕгтӕ цӕуынӕн, антигравитацион дугъуадзӕнтӕ ӕмӕ бирӕ ӕндӕртӕ. Хицӕн аппараттӕ нысангонд сты уӕллаг ӕмӕ бинаг ӕрхӕджыты функцитӕ сног кӕнынӕн. Тренажерон зал та фадат дӕтты куыд къордты, афтӕ индивидуалон ахуыртӕ аразынӕн дӕр. Афӕдзы райдайӕнӕй ацы хайады балæггад кодтой 138 сывӕллонæн. Дзуццаты Жаннӕ — сывӕллӕтты республикон клиникон рынчындоны ортопед-травмотолог — Реабилитацийы хайады сывӕллӕттӕ исынц хъӕугӕ процедурӕты æххæст комплекс. Куы 'рбацæуынц, уæд арӕзт æрцæуы дисциплинарон командӕ. Вæййы дзы дохтыртæ-реабилитологтæ æмæ профилон специалисттӕ — ортопедтӕ, неврологтӕ, физиотерапевттӕ, дзæбæхгæнæн физкультурæйы дохтыртӕ. Нысангонд æрцӕуынц, реабилитацийы хайады ӕххӕстӕй кæй скæнынц, уыцы процедурӕтӕ. {ЗК} Фӕлӕ реабилитаци ӕрмӕст сывæллæтты нæ хъæуы. Хистӕртӕн ӕххуыс къаддӕр ахсджиаг нӕу. Ӕмӕ уыцы хъуыддаг 7-ӕм поликлиникӕйы æххæстæй кӕнынц. Иудадзыгон рынчынты 'хсӕн — Ӕлборты Беллӕ. Бирӕ азты дӕргъы сӕрмагондӕй ардӕм фæсиды, цӕмӕй йӕ астӕуыстӕджы остеохондроз къаддæр хъыгдара. Физиодзæбæхгæнынад, массаж, физкультурӕ — ӕппӕт хъӕугӕ процедурӕты комплекс сылгоймаг исы ам. Зæгъы, тынг разы кæй у, йӕ къухы цы фӕстиуджытӕ бафты, уыдонӕй. ÆЛБОРТЫ БЕЛЛÆ — Дохтыртӕ тынг дæсны сты. Астӕуккаг медперсонал дӕр афтӕ. Массажисттӕ дæр иттæх хорз зонынц сӕ хъуыддаг. Сӕ процедурӕтӕ адӕймагӕн тынг ӕххуыс сты. Ныхӕстӕй йын зӕгъӕн дæр нæй, сӕ процедурӕтӕ цас пайда сты, уый. Национ проект "Ӕнӕниздзинадхъахъхъӕнынад"-ы фӕрцы 7-ӕм поликлиникӕ зынгӕ фӕногдӕр кодта йӕ материалон-техникон бындур. Рахицӕн сын кодтой фӕрӕзтӕ физио-æмæ-механотерапийы 13 аппараты самал кӕнынӕн. Пайда сæ кӕнынц алы бон дӕр. Массажгӕнӕн кабинеттæм балхӕдтой ӕртӕ ног кушеткæ, уӕлӕмӕ чи исы, ахӕмтӕ. Уый бирӕ фенцондӕр кӕны рынчынтӕн процедурӕтӕ кæныны хъуыддаг. ТАХОЙТЫ СВЕТЛАНӔ — 7-æм ПОЛИКЛИНИКӔЙЫ РЕАБИЛИТАЦИЙЫ ХАЙАДЫ СӔРГЪЛӔУУӔГ — Пациенттæ раздӕр бацæуынц невролог кӕнӕ травматологмӕ. Уый фӕстӕ мах снысан кӕнӕм сӕрмагонд реабилитацийы курс. Алы рынчынтӕн дӕр алыхуызон вӕййы. Уый аразгӕ у диагноз, рынчыны уавӕр, йӕ фезмӕлдӕй. Хайады кусы сӕрмагонд къамис. Уый снысан кæны индивидуалон дзæбæхгæнæн программӕтӕ. Алы мӕй дӕр ам реабилитаци скӕнынц 25 пациенты, фӕстаг 3 мӕймæ та центры балæггад кодтой 75 адӕймагæн. Нырыккон аппаратурӕ фадат дӕтты туджы зилдух зынгӕ фӕхуыздӕр кӕнынӕн, куыд уӕллаг, афтӕ бинаг уӕнгты ӕрхӕджытыл бакусынӕн. Уыдон иууылдӕр сты ахсджиаг къахдзӕфтӕ змӕлыны функцитӕ ӕмӕ царды хӕрзхъӕддзинад фӕхуыздӕр кӕныны фӕндагыл.