Раççейри конкурсра çĕнтернĕ

Раççей журналисчĕсен союзĕн пайташĕ, Чăваш Республикин культурăн тава тивĕçлĕ ĕçченĕ Александр Вражкин çĕршыв шайĕнчи «Хăйне евĕрлĕ Раççей» конкурса хутшăнса «Çынсем» номинацире çĕнтерчĕ.Тупăшăва Александр Николаевич виçĕ ĕç тăратнă. Унта вăл чăваш тĕррипе, чăваш сăрипе, «Чăваш вăрманĕ» наци паркĕнчи ĕçсемпе паллаштарнă. Сасăлав раштав уйăхĕнче пуçласа кăрлач уйăхĕн 11-мĕшĕччен иртрĕ. Сăнӳкерчĕксемшĕн 10-ран пуçласа 100 балл таран лартма пулнă. Интерент-сасăлавра «Тĕрĕçĕн ылтăн алли» ĕçĕ чи пысăк балл пухрĕ. Унта фотограф Любовь Вазюкова тĕрĕ ăстине сăнланă. Александр Николаевичпа Любовь Степанов паян «Эрне» кăларăм хăнисем.