Беслæны аив кæнынц æфсæнвæндаджы станцæйы алыварс фæзуат

Беслæны аив кæнынц æфсæнвæндаджы станцæйы алыварс фæзуат. Куыстытæ чысыл не сты. Ныридæгæн ногæй ивынц асфальт. Фистæгдзу-фæндæгтыл равæрдзысты плиткæ, фæзындзæн дзы бордюртæ æмæ маршрутон такситæн сæрмагонд æрлæууæнтæ. Сæвæрдзысты ма дзы нырыккон рухсдæттæн системæ. Дыккаг къæпхæны та аивгæнæн куыстытæ. Сцалцæг кæндзысты цыртдзæвæнтæ, баивдзысты бандæттæ æмæ бырондæттæ. Афæдзы кæронмæ куыстытæ кæронмæ фæуыдзысты. Бынаты ис культурон нысаниуæгимæ цалдæр объекты. Сырх æфсады хæстонты æфсымæрон ингæн, Граждайнаг æмæ Фыдыбæстæйы Стыр хæстыты чи фæмард, уыдоны цыртдзæвæн, стæй вокзалы бæстыхай.