Хицауады æмбырды æрдзырдтой цæрæн уавæрты æмæ æнæниздзинад хъахъхъæнынады фарстатыл

Цæрæнуат балхæнынæн сертификаттæ чи райсдзæн, уыцы цæрджыты номхыгъд сфидар кодтой Хицауады æмбырды. Паддзахадон программæйы 'руаджы дыууæ азмæ сæ цæрæн уавæртæ фæхуыздæр сты 500 бинонтæй фылдæрæн. Ууыл схардз кодтой 1,5 млрд сомæй фылдæр. Уыимæ ма æмбырды архайджытæ рахæцыдысты "Онкологон низтимæ" æмæ "Зæрдæ æмæ дадзинты низтимæ тох кæныны" ног регионалон программæты фарс. Проекттæм гæсгæ сног кæндзысты медицинон кусæндæтты материалон-техникон бындур, стæй æндæр бынæттæй специалистты дзæбæхгæнæн куыстмæ здахдзысты. Уымæй уæлдай ма куыд сбæрæг, афтæмæй Уæлахизы Парчы фæзуат бакодтой Дзæуджыхъæуы бæрны. Раздæр зæххы хай уыд республикæйы исбонады. Ныридæгæн кусын райдыдтой фидæны объекты эскизыл. Дзанайты Барис куыд фæнысан кодта, афтæмæй фæлладуадзæн бынат суыдзæн Дзæуджыхъæуы цæрджытæн уарзондæртæй иу. Автомобилон фæндаг Джызæл - Ногир та бакодтой транспорт æмæ фæндаггон инфраструктурæйы комитеты бæрны. Хицауады сæрдар куыд загъта, афæтæмæй уый руаджы бантысдзæн фæндагмæ базилын, цæмæй æдасдзинады домæнтæн дзуапп дæтта. Уæлдай æргом Дзанайты Барис аздæхта, республикæйы сæргълæууæн йæ æрвылазон раныхасы цы нысæнттæ сæвæрдта, уыдонмæ.