Ирон æвзагæй олимпиадæйы уæлахиздзауты схорзæхджын кодтой театр "Саби"-йы

Ирон æвзагæй олимпиадæйы уæлахиздзауты схорзæхджын кодтой театр "Саби"-йы. Уæлдай кады аккаг уыдысты скъоладзауты чи цæттæ кодта, уыцы ахуыргæнджытæ. Мадæлон æвзаджы райрæзтмæ стыр æвæрæн хæссыны фæдыл бузныджы фыстæджытæ райстой наукæ æмæ культурæйы архайджытæ. Сценæйыл сæ курдиатæй фембæлд срæсугъд кодтой республикæйы кафджыты къордтæ. Мадзаларазджытæ - ахуырад æмæ наукæйы министрад иумæйагæй культурæйы министрадимæ. Архайджытæм Сергей Меняйлойы номæй фæсидт республикæйы хицауады сæрдары хæдивæг Платы Альбинæ.