Цæгатирыстойнаг таможняйыл сæххæст 32 азы
Ацы сырх хаххы фæстæ та адæммæ бацæуы консультант. Уайтагъд сын радзуры фæткы æмæ процедурæйы тыххæй. Ам ахсджиагдæр у æдасдзинад. Æмæ цæмæй æппæт домæнтæ дæр æххæстгонд цæуой, уый тыххæй таможняйы кусджытæ архайынц лыстæггай. Ахæм хуымæтæг домæнтæ хъуамæ æххæст кæна алы адæймаг дæр. Арæны сæрты 50 килограммæй фылдæр уæз, йæ аргъ та 10 мин евройы онг кæмæн у, уый ласæн ис æрмæст сæрмагонд регистрациимæ. Процедурæ у рог. Алцыдæр ис саразæн ам, аэропорты. Æдæппæтæй нæ республикæйы ис таможняйы 4 посты. Уыдонæй 3 — паддзахадон арæны сæрты уадзæн пункттæ, иу та мидæггаг. Кусджытæ куыд зæгъынц, афтæмæй æппæты тæссагдæр рейсытæ вæййынц Иордани, Араббаг Эмираттæй, Азербайджан æмæ Бакуйæ. Арæхдæр контрабандæ фæласынц уыдоны уылты. Ис сын фæткхæлдтыты тыххæй æфхæрдтæ дæр. Таможняйы æппæт дæлхайæдтæн разамынд дæтты Цегойты Георгий. 1993-æм азы Цæгат Ирыстоны хæххон-металлургон институты рауагъдон уæвгæйæ, уый æнхъæл нæ уыд, æмæ æй цард ацы къабазимæ кæй сбæтдзæн. Уыцы рæстæг компьютертæ нырмæ уæд фæзындысты. Цы специалисттæ сыл арæхсыдысты кусын, уыдоны нымæц дæр чысыл уыд. Уæд Георгиймæ фæсидтысты куысты фæдыл. Æмныхасад æнтыстджынæй ацыд æмæ райдыдта информацион-техникон фарстаты фæдыл инспекторæй кусын. 2000-æм азы та Георгий каст фæцис Мæскуыйы таможняйы академи. Цегойты Георгийы æмкусджытæ куыд зæгъынц, афтæмæй сæ разамонæг у карз, фæлæ уыцы иу рæстæг рæстдзинадыл хæст, ис æм адæймагдзинады миниуджытæ. Йæхицæй æмæ йæ кусджытæй у домаг, кæддæриддæр баххуыс кæнынмæ цæттæ. Георгий йæхæдæг куыд радзырдта, афтæмæй æнстытджын куысты сæйраг дæр у дæсныйады бæрнондзинад æмбарын. Экономикон æдасдзинады уавæртæ æххæст кæнын, хъалонтæ æмæ æфтиæгтæ æмбырд кæнын, товартæ уадзæн пункттæ, æфсæнвæндæгтæ æмæ аэропортты ласыны хъуыддагмæ цæст дарын. Сæ хæстæ чысыл не сты. Цæгатирыстойнаг таможняйы кусы мин адæймагæй фылдæр. Ис дзы дыууæ категорийы: паддзахадон службæгæнджытæ æмæ офицертæ. Ардæм бахауынæн сæйрагдæр у уæлдæр ахуырад. Юридикон, экономикон, медицинон, инженерон кæнæ та æфсæддон. 14 августы Цæгатирыстойнаг таможняйыл сæххæст 32 азы. Нырыккон информацион технологитæ æнтыстджынæй ахадынц къабазы рæзтыл. Абон ам кусы фæлтæрдджын специалисттæ, уыдон æрвылбон архайынц сæ куыст ноджы бæрзонддæр æмвæзадыл æххæст кæнынмæ.
Ацы сырх хаххы фæстæ та адæммæ бацæуы консультант. Уайтагъд сын радзуры фæткы æмæ процедурæйы тыххæй. Ам ахсджиагдæр у æдасдзинад. Æмæ цæмæй æппæт домæнтæ дæр æххæстгонд цæуой, уый тыххæй таможняйы кусджытæ архайынц лыстæггай. Ахæм хуымæтæг домæнтæ хъуамæ æххæст кæна алы адæймаг дæр. Арæны сæрты 50 килограммæй фылдæр уæз, йæ аргъ та 10 мин евройы онг кæмæн у, уый ласæн ис æрмæст сæрмагонд регистрациимæ. Процедурæ у рог. Алцыдæр ис саразæн ам, аэропорты. Æдæппæтæй нæ республикæйы ис таможняйы 4 посты. Уыдонæй 3 — паддзахадон арæны сæрты уадзæн пункттæ, иу та мидæггаг. Кусджытæ куыд зæгъынц, афтæмæй æппæты тæссагдæр рейсытæ вæййынц Иордани, Араббаг Эмираттæй, Азербайджан æмæ Бакуйæ. Арæхдæр контрабандæ фæласынц уыдоны уылты. Ис сын фæткхæлдтыты тыххæй æфхæрдтæ дæр. Таможняйы æппæт дæлхайæдтæн разамынд дæтты Цегойты Георгий. 1993-æм азы Цæгат Ирыстоны хæххон-металлургон институты рауагъдон уæвгæйæ, уый æнхъæл нæ уыд, æмæ æй цард ацы къабазимæ кæй сбæтдзæн. Уыцы рæстæг компьютертæ нырмæ уæд фæзындысты. Цы специалисттæ сыл арæхсыдысты кусын, уыдоны нымæц дæр чысыл уыд. Уæд Георгиймæ фæсидтысты куысты фæдыл. Æмныхасад æнтыстджынæй ацыд æмæ райдыдта информацион-техникон фарстаты фæдыл инспекторæй кусын. 2000-æм азы та Георгий каст фæцис Мæскуыйы таможняйы академи. Цегойты Георгийы æмкусджытæ куыд зæгъынц, афтæмæй сæ разамонæг у карз, фæлæ уыцы иу рæстæг рæстдзинадыл хæст, ис æм адæймагдзинады миниуджытæ. Йæхицæй æмæ йæ кусджытæй у домаг, кæддæриддæр баххуыс кæнынмæ цæттæ. Георгий йæхæдæг куыд радзырдта, афтæмæй æнстытджын куысты сæйраг дæр у дæсныйады бæрнондзинад æмбарын. Экономикон æдасдзинады уавæртæ æххæст кæнын, хъалонтæ æмæ æфтиæгтæ æмбырд кæнын, товартæ уадзæн пункттæ, æфсæнвæндæгтæ æмæ аэропортты ласыны хъуыддагмæ цæст дарын. Сæ хæстæ чысыл не сты. Цæгатирыстойнаг таможняйы кусы мин адæймагæй фылдæр. Ис дзы дыууæ категорийы: паддзахадон службæгæнджытæ æмæ офицертæ. Ардæм бахауынæн сæйрагдæр у уæлдæр ахуырад. Юридикон, экономикон, медицинон, инженерон кæнæ та æфсæддон. 14 августы Цæгатирыстойнаг таможняйыл сæххæст 32 азы. Нырыккон информацион технологитæ æнтыстджынæй ахадынц къабазы рæзтыл. Абон ам кусы фæлтæрдджын специалисттæ, уыдон æрвылбон архайынц сæ куыст ноджы бæрзонддæр æмвæзадыл æххæст кæнынмæ.