РЦИ-Аланийы фæллой æмæ социалон рæзты министр Айдарты Алинæ фембæлд журналисттимæ
Июлы бинонты бæрæгбоны агъоммæ Æрыдоны, Алагиры, Кировы æмæ Мæздæджы районты байгом кæндзысты бинонты бирæвæрсыг центртæ. Дзæуджыхъæуы та социалон лæггæдты комплексон центры бындурыл фæзындзæн бирæвæрсыг центры хайад. Уый тыххæй йæ пресс-конференцийы радзырдта республикæйы фæллой æмæ социалон рæзты министр Айдарты Алинæ. Ныртæккæ æнтыстджынæй арæзт цæуы ацæргæ æмæ хъыгдард æнæниздзинадимæ адæмæн хæдзар-интернат. Куыстытæ хъуамæ фæуой 2026-æм азмæ. Цæгат Ирыстоны ма скуыста адæймагмæ бирæрæстæгон фæкасты системæ. Министр куыд фæбæрæг кодта, афтæмæй у пайда. Рынчындонмæ къаддæр адæм бахауы, стæй ног куысты бынæттæ дæр фæзынд. Пилотон проекты архайынц нырма уал 6 районы. 2030-æм азмæ ахæм æххуыс арæзт цæудзæн кæйдæриддæр бахъæуа, уыдонæн се 'ппæтæн дæр. Уæлдай цæстæнгас здæхт цæуы æрыгон æмæ бирæсывæллонджын бинонтæм. Ведомство кусы "Бинонтæ", зæгъгæ, ног национ проектыл. Йæ сæйраг нысан уыдзæн республикæйы демографион уавæр фæхуыздæр кæнын. Уымæй уæлдай ма ныртæккæ министрад аразы бирæсывллонджын бинонты номхыгъд. Уыдонæн дæттдзысты сæрмагонд æвдисæндартæ. Сæ сывæллæттæн фæзындзæн фадат лæвар культурон уагдæттæ бæрæг кæнын æмæ æхсæнадон транспортыл цæуынæн. Стæй ма проектмæ гæсгæ алы ахуыры азы райдиан дæр исдзысты иухаттон фиддонтæ.
Июлы бинонты бæрæгбоны агъоммæ Æрыдоны, Алагиры, Кировы æмæ Мæздæджы районты байгом кæндзысты бинонты бирæвæрсыг центртæ. Дзæуджыхъæуы та социалон лæггæдты комплексон центры бындурыл фæзындзæн бирæвæрсыг центры хайад. Уый тыххæй йæ пресс-конференцийы радзырдта республикæйы фæллой æмæ социалон рæзты министр Айдарты Алинæ. Ныртæккæ æнтыстджынæй арæзт цæуы ацæргæ æмæ хъыгдард æнæниздзинадимæ адæмæн хæдзар-интернат. Куыстытæ хъуамæ фæуой 2026-æм азмæ. Цæгат Ирыстоны ма скуыста адæймагмæ бирæрæстæгон фæкасты системæ. Министр куыд фæбæрæг кодта, афтæмæй у пайда. Рынчындонмæ къаддæр адæм бахауы, стæй ног куысты бынæттæ дæр фæзынд. Пилотон проекты архайынц нырма уал 6 районы. 2030-æм азмæ ахæм æххуыс арæзт цæудзæн кæйдæриддæр бахъæуа, уыдонæн се 'ппæтæн дæр. Уæлдай цæстæнгас здæхт цæуы æрыгон æмæ бирæсывæллонджын бинонтæм. Ведомство кусы "Бинонтæ", зæгъгæ, ног национ проектыл. Йæ сæйраг нысан уыдзæн республикæйы демографион уавæр фæхуыздæр кæнын. Уымæй уæлдай ма ныртæккæ министрад аразы бирæсывллонджын бинонты номхыгъд. Уыдонæн дæттдзысты сæрмагонд æвдисæндартæ. Сæ сывæллæттæн фæзындзæн фадат лæвар культурон уагдæттæ бæрæг кæнын æмæ æхсæнадон транспортыл цæуынæн. Стæй ма проектмæ гæсгæ алы ахуыры азы райдиан дæр исдзысты иухаттон фиддонтæ.