ЦИПУ-йы стоматологты базонгæ кодтой уæрæсейаг имплантацион системæимæ

Цæгат Ирыстоны паддзахадон университеты стоматологты базонгæ кодтой уæрæсейаг имплантацион системæимæ. Бæстæйы ацы къабаз фæзынд 10 азы размæ. Специалисттæ куыд зæгъынц, афтæмæй фæсарæйнаг аналогтимæ абаргæйæ у хуыздæр цалдæр бæрæггæнæнмæ гæсгæ. Уыимæ ма системæйы райрæзтыл æппынæдзух кусынц. Стараполы арæзт цæуы сæрмагонд завод. Раздæр хъæугæ æрмæг уагътой Италийы. Семинары фæлгæты ма йæ архайджытæ онлайн хуызы бакастысты дæндæгты импланттæ æвæрыны операцимæ. Уый фæстæ йыл бæстонæй æрдзырдтой. Дохтыртæ ма бæлвырдæй равдыстой дзæбæхгæнæн процесс - æркастæй импланттæ сæвæрыны онг.