Ацы бонты Хъамбердиаты Мысосты райгуырдыл æххæст кæны 115 азы

Сценæйæ зæлыдысты Хъамбердиаты Мысосты æмдзæвгæтæ. Цардбæллон зæрдæйы ахаст та у йе сфæлдыстаты сæйраг темæ. Мысосты ахадындзинадæн аргъ скæнæн зын у. Советон дуджы ирддæр поэттæй иу, йе сфæлдыстадæй йæ ном бафыста ирон литературæйы. Республикæйы культурæйы колледжы студенттæ æмæ Змейкæйы 2-æм скъолайы ахуырдзаутæ иумæ зæрдиагæй бацæттæ кодтой литературон изæр. Проекты автор у Туаты Динарæ. Йæ дипломон куысты равдыста Хъамбердиаты Мысосты цард æмæ сфæлдыдстад. Хъамбердиаты Мысост райгуырд Кæрдзыны хъæуы. Литературæ йæ йæхимæ лвæста йæ сабибонтæй. Æмдзæвгæтæ фыссын та райдыдта 10-аздзыдæй. Курдиатджын лæппу скъолайы фæстæ литературон ахуырад райста Мæскуыйы. Уый фæстæ куыста республикæйы газеттæ "Рæстдзинад" æмæ "Власть труда"-йы уацхæссæгæй. Афтæмæй раргом йе сфæлдыстадон курдиат. Хъамбердиаты Мысосты сфæлдыстад уыд алывæрсыг. Уыимæ поэт æнтыстджынæй фыста куыд иронау, афтæ уырыссагау дæр. Хæхты рæсугъддзинад, Фыдыбæстæмæ уарзондзинад, ирон адæмы уды фидардзинад æмæ хъæздыг миддуне. Уыдон сты фыссæг цæуыл фыста, уыцы темæтæ. Хъамбердиаты Мысосты йæ цардæй ахицæн 22-аздзыдæй. Æмæ кæд хæрз чысыл фæцард, уæддæр ын бирæ бантыст. Абон кæстæр фæлтæр та йын зыгъы бузныг, ахæм мадзæлттæ аразгæйæ.