Абон республикæйы райдыдтой нæ историйæн дыууæ вазыгджын цауы фæдыл бæрæгбоны мадзæлттæ
Абон республикæйы райдыдтой нæ историйæн дыууæ вазыгджын цауы фæдыл бæрæгбоны мадзæлттæ. Уæрæсейы бон æмæ нæ республикæ Уæрæсеимæ кæй баиу, уыцы цауы 250 азы бонмæ Дзæуджыхъæуы цæуынц дзыллон мадзæлттæ. Штыбæйы номыл фæзы сарæзтой фæндырдзæгъдджыты флешмоб. Бацархайдтой дзы 250 адæймаджы. Республикæйы ацы къабазы нырма фыццаг къахдзæфтæ чи кæны æмæ фæлтæрдджын артисттæ акодтой уырыссаг æмæ ирон адæмон зарджытæ. Цæгат Ирыстоны культурæйы министры хæдивæг Рæмонаты Маринæ та йæ раныхасы фæбæрæг кодта, нæ регион дыууæ æмæ æрдæг æнусы дæргъы йæхи нæ паддзахадæн хорз цæдисонæй кæй равдыста, уый. Горæты сæйраг парчы та сывæллæттæн бацæттæ кодтой цалдæр тематикон фæзы. Нæртон хъæзтытæ, æрмдæсныты æмæ чингуыты армукъа. Сабитæ æмæ ма суанг сæ ныййарджытæн дæр бацæттæ кодтой цымыдисаг архайд. Æппæт мадзæлттæ цыд дæр бабæрæг кодта хициауады сæрдар Дзанайты Барис. Дзæуджыхъæуы астæу та ныридæгæн райдыдта бæрæгбоны концерт "Уæрæсе - Ирыстоны", зæгъгæ. Райсом та дзы уыцы рæстæг азардзæн оперон зарæггæнæг Джиоты Вероникæ. Йемæ сценæмæ рацæудзæн Мариинаг театры симфонион оркестры филиал.
Абон республикæйы райдыдтой нæ историйæн дыууæ вазыгджын цауы фæдыл бæрæгбоны мадзæлттæ. Уæрæсейы бон æмæ нæ республикæ Уæрæсеимæ кæй баиу, уыцы цауы 250 азы бонмæ Дзæуджыхъæуы цæуынц дзыллон мадзæлттæ. Штыбæйы номыл фæзы сарæзтой фæндырдзæгъдджыты флешмоб. Бацархайдтой дзы 250 адæймаджы. Республикæйы ацы къабазы нырма фыццаг къахдзæфтæ чи кæны æмæ фæлтæрдджын артисттæ акодтой уырыссаг æмæ ирон адæмон зарджытæ. Цæгат Ирыстоны культурæйы министры хæдивæг Рæмонаты Маринæ та йæ раныхасы фæбæрæг кодта, нæ регион дыууæ æмæ æрдæг æнусы дæргъы йæхи нæ паддзахадæн хорз цæдисонæй кæй равдыста, уый. Горæты сæйраг парчы та сывæллæттæн бацæттæ кодтой цалдæр тематикон фæзы. Нæртон хъæзтытæ, æрмдæсныты æмæ чингуыты армукъа. Сабитæ æмæ ма суанг сæ ныййарджытæн дæр бацæттæ кодтой цымыдисаг архайд. Æппæт мадзæлттæ цыд дæр бабæрæг кодта хициауады сæрдар Дзанайты Барис. Дзæуджыхъæуы астæу та ныридæгæн райдыдта бæрæгбоны концерт "Уæрæсе - Ирыстоны", зæгъгæ. Райсом та дзы уыцы рæстæг азардзæн оперон зарæггæнæг Джиоты Вероникæ. Йемæ сценæмæ рацæудзæн Мариинаг театры симфонион оркестры филиал.