Цæгат Ирыстоны раиртæстой культурон нысаниуæгимæ 1272 объекты
Гæздæнты Гайтойы номыл республикон фæсивæдон библиотекæ. Æртæуæладзыгон хæдзары æддаг къул у 50 метры. Аивгонд у алыхуызон нывæфтыдтæй, згъæрæй конд тыргътæ, медпльонтæ æмæ сæйраг схизæнæй. Хъæздыг архитектурæимæ бынат 1883-æм азы сарæзта сæудæджергæнæг Василий Андреев. Ныртæккæ у Уæрæсейы культурон нысаниуæгимæ объект. Ацы бынаты ацыд Хетæгкаты Къостайы нывты фыццаг равдыст. Æмæ уый чиныгдоны арæзт мадзæлттæй æрмæст иу дæнцæг у. Ахæм хæзнатæ Дзæуджыхъæуы историон хайы бирæ сты. Сæ кой æхсызгонæй ракæнынц Цæгат Ирыстоны уазджытæн. Экскурси амонджытæ нæ горæты ирддæр æмæ цымыдисагдæр бынæттæ æнæрхъуыдыйæ никуы ныууадзынц. Се 'хсæн, кæй зæгъын æй хъæуы, Тугъанты Махарбеджы номыл музей, Евгений Вахтанговы номыл уырыссаг Академион театр, фысымуат "Париж". Сабырдзинады проспект æмткæй у культурон хæзна. Ныртæккæ Цæгат Ирыстоны ис 280 цыртдзæвæны регионалон нысаниуæгимæ, 412- федералон æмæ 1 мин 272 та бæрæггонд. Бахъахъхъæнын ма цы объекттæ хъæуы уыдон дзуапдæттæг комитетæн бацамоны Æхсæнадон совет. Йæ хыгъды историктæ æмæ археологтæ. Сæ куысты нысан у республикæйы хицæндзинад бахъахъхъæнын. Архайд цæуы æппынæдзух. Цымыдисаг ма уый у, æмæ специалисттæ цы бынаты кусынц, уый дæр нымад у историон нысаниуæгимæ федералон объектыл. Æрæджы номхыгъд ноджы фæуæрæхдæр кодтой. Ахæм бынæттæй иу у «Дот Ващенко», зæгъгæ. Дзуапдæттæг комитеты æмæ сæоветы уæнгтæ дæр уыдысты иумæйаг хъуыдыйыл хæст — Дзæуджыхъæу цы дæргъвæтин æхсæн бынат бахъахъхъæдта, уый паддзахады бæрны нæ уыд. Уыцы бынат ис Джылы фæндагыл уæлмæрды. Иумæйагæй уынаффæ рахастам, цæмæй йæ паддзахад хъахъхъæна, æвæрд æрцæуа, бавæрын кæй хъæуы, культурон нысаниуæгимæ объектты хыгъды. Нæ иумæйаг истори бахъахъхъæнын алкæй бон дæр у. Уый тыххæй хъæуы æмбæлгæ гæххæттыты хыгъд бацæттæ кæнын. Бынаты тыххæй хъусынгæнинаг, къамтæ, историон справкæ, объекты ахадындзинад æмæ аргъ цы бацамона, æппæт уыцы хъуыддæгтæ. Дарддæр специалисттæ кусынц сæрмагонд гæххæттытимæ, бабæрæг кæнынц нысангонд объект, бынаты йын сбæрæг кæнынц йæ уавæр. Культурон нысаниуæджы статус цы объекттæн радтой, уый, æнæмæнг, хъахъхъæд цæудзæн. Райхалæн æй нæ уыдзæн. Йæ цалцæджы тыххæй та хъæудзæн дзуапдæттæг комитетимæ баныхас кæнын. Уым райсын хъæуы бардæттæг гæххæт. Æрмæст афтæмæй ис бæстыхайы, бынаты историон хуыз, йæ хицæндзинад æмæ уддзæф бахъахъхъæнæн.
Гæздæнты Гайтойы номыл республикон фæсивæдон библиотекæ. Æртæуæладзыгон хæдзары æддаг къул у 50 метры. Аивгонд у алыхуызон нывæфтыдтæй, згъæрæй конд тыргътæ, медпльонтæ æмæ сæйраг схизæнæй. Хъæздыг архитектурæимæ бынат 1883-æм азы сарæзта сæудæджергæнæг Василий Андреев. Ныртæккæ у Уæрæсейы культурон нысаниуæгимæ объект. Ацы бынаты ацыд Хетæгкаты Къостайы нывты фыццаг равдыст. Æмæ уый чиныгдоны арæзт мадзæлттæй æрмæст иу дæнцæг у. Ахæм хæзнатæ Дзæуджыхъæуы историон хайы бирæ сты. Сæ кой æхсызгонæй ракæнынц Цæгат Ирыстоны уазджытæн. Экскурси амонджытæ нæ горæты ирддæр æмæ цымыдисагдæр бынæттæ æнæрхъуыдыйæ никуы ныууадзынц. Се 'хсæн, кæй зæгъын æй хъæуы, Тугъанты Махарбеджы номыл музей, Евгений Вахтанговы номыл уырыссаг Академион театр, фысымуат "Париж". Сабырдзинады проспект æмткæй у культурон хæзна. Ныртæккæ Цæгат Ирыстоны ис 280 цыртдзæвæны регионалон нысаниуæгимæ, 412- федералон æмæ 1 мин 272 та бæрæггонд. Бахъахъхъæнын ма цы объекттæ хъæуы уыдон дзуапдæттæг комитетæн бацамоны Æхсæнадон совет. Йæ хыгъды историктæ æмæ археологтæ. Сæ куысты нысан у республикæйы хицæндзинад бахъахъхъæнын. Архайд цæуы æппынæдзух. Цымыдисаг ма уый у, æмæ специалисттæ цы бынаты кусынц, уый дæр нымад у историон нысаниуæгимæ федералон объектыл. Æрæджы номхыгъд ноджы фæуæрæхдæр кодтой. Ахæм бынæттæй иу у «Дот Ващенко», зæгъгæ. Дзуапдæттæг комитеты æмæ сæоветы уæнгтæ дæр уыдысты иумæйаг хъуыдыйыл хæст — Дзæуджыхъæу цы дæргъвæтин æхсæн бынат бахъахъхъæдта, уый паддзахады бæрны нæ уыд. Уыцы бынат ис Джылы фæндагыл уæлмæрды. Иумæйагæй уынаффæ рахастам, цæмæй йæ паддзахад хъахъхъæна, æвæрд æрцæуа, бавæрын кæй хъæуы, культурон нысаниуæгимæ объектты хыгъды. Нæ иумæйаг истори бахъахъхъæнын алкæй бон дæр у. Уый тыххæй хъæуы æмбæлгæ гæххæттыты хыгъд бацæттæ кæнын. Бынаты тыххæй хъусынгæнинаг, къамтæ, историон справкæ, объекты ахадындзинад æмæ аргъ цы бацамона, æппæт уыцы хъуыддæгтæ. Дарддæр специалисттæ кусынц сæрмагонд гæххæттытимæ, бабæрæг кæнынц нысангонд объект, бынаты йын сбæрæг кæнынц йæ уавæр. Культурон нысаниуæджы статус цы объекттæн радтой, уый, æнæмæнг, хъахъхъæд цæудзæн. Райхалæн æй нæ уыдзæн. Йæ цалцæджы тыххæй та хъæудзæн дзуапдæттæг комитетимæ баныхас кæнын. Уым райсын хъæуы бардæттæг гæххæт. Æрмæст афтæмæй ис бæстыхайы, бынаты историон хуыз, йæ хицæндзинад æмæ уддзæф бахъахъхъæнæн.