Полици хуралĕн пункчĕ уçăлчĕ

Шупашкарти «Радужный» микрорайонта пурăнакансен йышĕ çулсеренех ӳссе пырать. Эппин, унти йĕркене тимлекенсем те çумрах пулмалла. Малтан саккуна пăснă çивĕч ыйтусене татса пама микрорайонта тĕпленнисен кăнтăр хĕвеланăç районне çитмелле пулнă. Халĕ вара çак пулăшăва инçете каймасăрах, полици хуралĕн çĕнĕ пунктĕнче тивĕçме пулĕ. Вăл Алентей урамĕнче вырнаçнă. Йĕрке хуралçисем ĕçе пуçăнма хатĕр пулнине пирĕн пултарулăх ушкăнĕ те тĕрĕслерĕ.