Күзем күрми, мин тамашачыны алкышлардан тоям.

Мамадыш шәһәреннән Ильяс Малюков "Кайчан гына очрашырбыз" дип җырлый. Күңел түрләренә үтеп керә торган чыгыш... Ул Алабуга сәнгать көллиятенең 4 нче курсында белем ала. Киләчәген дә сәхнә белән бәйләргә тели. Ильясның күзләре тумыштан күрмәсә дә, тамашачыны ул бөтен күңеле белән тоя. Ильяс социаль челтәрләрне күзәтеп барырга ярата икән. Аның телефоны тавыш ярдәмендә идарә ителә. Барлык яңалыкларны белеп барам, ди Ильяс.