Уæрæсейы банк снысан кодта уæлæмхасæн фæтк цæст фæлдахæн архайды ныхмæ

Уæрæсейы банчы хъæппæрисæй кредит раттыны размæ специалисттæ курдиæттæ бæрæг кæндзысты цæстфæлдахæн миты æууæлтæм гæсгæ. Клиенттæ цæмæй равзарой æмæ æркæсой сæ архайдмæ, цæмæй сыл сайд ма æрцæуа. Паддзахадон Думæ фыццаг æркасты сфидар кодта сæрмагонд закъоны проект - æнæмæнг банхъæлмæ кæсыны рæстæджы фæдыл. Ома 50 мин сомы онг æфстау райсæн уыдзæн æвæстиатæй. Фæлæ 50-йæ 200 сомы онг кредитмæ та банхъæлмæ кæсын хъæудзæн 4 сахаты. Фæрæзтæ 200 мин сомæй фылдæр куы уой, уæд сæ æфстауисæгæн райсыны бар уыдзæн 48 сахаты фæстæ. Афтæмæй сайды цаутæ фæкъаддæр уыдзыстæ, фæбæрзонддæр уыдзæн æдасдзинады бæрæггæнæн. Ногдзинад нæ аххæсдзæн ипотекæйыл, автомобилон æмæ ахуырадон кредиттыл. Уыимæ ма 1-æм мартъийæ алы гражданинæн дæр йæ бон уыдзæн банктæм курдиат баххæсыны бар, цæмæй йын йæ номыл ын кредиттæ ма дæттой. Уый фæтк хæлд куы æрцæуа, уæд финансон куыстуатæн йæ бон нæ уыдзæн сайд кæуыл æрцыд, уыцы адæмæй сæ фæрæзтæ домын. Кредиттæ ма дæттыны бар сфидар кæнæн ис хи кредитон истории Паддзахадон лæггæдты порталы.