Փաստաբան են ծեծել. անգամ 90–ականներին նման դեպք չի եղել. Ռուբեն Մելիքյան

Ինչո՞ւ են փաստաբանները դիմել գործադուլի և ի՞նչ վիճակում է դատաիրավական համակարգը։ «Աբովյան Time»–ի եթերում փաստաբանների շուրջ վերջին շրջանում տեղի ունեցող աղմակահարույց իրադարձություններին է անդրադարձել փաստաբան Ռուբեն Մելիքյանը։ Նա ընդգծեց, որ 2023 թվականին արդեն երկրորդ դեպքն է, որ ոստիկանները փաստաբան են ծեծում, նման դեպք նախկինում, նույնիսկ վատ համբավ ունեցող 90-ականներին, չի եղել։ «Առանց լայվերի ու լայքերի ոստիկանությունը քայլ առ քայլ աճել էր, և ոստիկանությունը հիմա մսխում է այն պրոդուկտը, որը մինչև 2018 թվական եղել է։ Այս պահի դրությամբ ոստիկանությունը դեգրադացիայի փուլի մեջ է»,–կարծում է Մելիքյանը։