Килĕшӳре, ăнланура

Утă уйăхĕн 8-мĕшĕнче Раççейре çемье, юрату тата шанчăклăх кунне паллă тăваççĕ. Çак уява Чăваш Енре те çулсеренех анлă ирттереççĕ. Пурнăç сукмакĕпе алла-аллăн тытăнса килĕшӳре тата ăнланура пурăнакан мăшăрсене, çемьесене «Амазони» паркĕнче чысларĕç. Патшалăх пĕрлĕх экзаменĕсене 100 баллăх тытнă ачасен ашшĕ-амашĕсене те çак кун сцена çине йыхравларĕç. Чăваш Енре пĕрремĕш хут çапла чысларĕç пултаруллă вĕренекенсен çемйисене.