Ногиры хидæн сцæттæ йæ 60%
Республикæйы, æвæццæгæн, иу ахæм шофыр дæр нæй, ацы объекты арæзтадмæ чи не ’нхъæлмæ кæсы. Ногиры фидæны хидæн фидар бындур ныридæгæн лæууы 6 цæджындзыл. Былгæронмæ хæстæг æвæрд кæцы у, ууыл нырма ацархайын хъæуы. Специалисттæн фыццаг æмæ фæндзæм хаймæ хъавантæ бадæттын сæ бон нæу. Зæронд канализаци сæ хъыгдары. Ис тæссаг уавæры. Раздæр хæтæлтæ цыдысты стратегион нысаниуæгимæ объекты галиуварс. Ныр та уыдзысты рахизы 'рдыгæй. Канализаци галиу фарсæй хъæудзæн рахизы 'рдæм раивын. Куыддæр былгæроны цæджындзтæм бавналæн уа, афтæ æнцойгæнæнтæ дарддæр аразын райдайдзысты. Участочы хицау Кокуаты Эрикы ныхасмæ гæсгæ, коммуникацитимæ архайд æппæты зындæр у. Газы, дондзæуæн æмæ электрон тыхы хызтæ ног хуызы рацаразын. Куыстытæ æххæстгæнæн организацийы минæвæрттæ куыд фæнысан кодтой, афтæмæй Ногиры хидæн сцæттæ йæ 60%. Ног хиды фæтæн уыдзæн 18 метры, йæ дæргъ та – 136 метры. Уыдзæн æм дыууæрдыгæй бацæуæнтæ, йæ кæрæттæ æхгæд уыдзысты гæрæнæй, уыдзæн дзы рухсытæ конд æмæ фистæгцæуджытæн фæндаг. Сараздзысты фыдбылыз ма ’руадзынæн мадзæлттæ. Цæмæй бæлццæттæ мацы къуылымпытæ æвзарой, ууыл бæстонæй архайдзысты. Ногиры хидæн ныр донивылдтæ ницы тас уыдзысты, фидарæй зæгъынц арæзтадон фæзыл. Раздæр ахæм объекттæ арæзтой æнæ цæджындзтæй. Ныр архайд фæивта. Алы фидаргæнæн конструкци дæр арæзт у 14 цæджындзæй, кæцытæ зæххы бынмæ ныссагътой 20 метры. Специалисттæ зæгъынц, объект хъуамæ хæрзхъæд æмæ æдас уа. Куыд зонæм, афтæмæй 2023-æм азы дон раивылд æмæ Ногирмæ хæстæг Терчы доны сæрты хид фехæлдта. Ныккалдысты йæ астæуккаг цæджындзтæ. Хорз уыд, æмæ дзы уыцы рæстæг хъыгдард ничи баййæфта. Хид сарæзтой 1972-æм азы. Фæндзай азæй фылдæр лæггад кодта Ногиры, Заводы поселочы, Михайловскæйы æмæ иннæ хъæутæн. Йæ фæрцы горæтæй кæнæ та горæтмæ бахизæн уыд тагъддæр, сæйраг уынгты иувæрсты. Фæндаг æхгæд кæй æрцыд, уымæ гæсгæ стыр уæз цæуы Дзæуджыхъæуы бирæ уынгтыл, хæдтулгæтæй дзы ацæуæн нал вæййы. Арæзтад кæронмæ хъуамæ ацы фæззæг фæуа. Куыстытæ æххæстгонд цæуынц «Цардæн хъæугæ инфраструктурæ» национ проектмæ гæсгæ.
Республикæйы, æвæццæгæн, иу ахæм шофыр дæр нæй, ацы объекты арæзтадмæ чи не ’нхъæлмæ кæсы. Ногиры фидæны хидæн фидар бындур ныридæгæн лæууы 6 цæджындзыл. Былгæронмæ хæстæг æвæрд кæцы у, ууыл нырма ацархайын хъæуы. Специалисттæн фыццаг æмæ фæндзæм хаймæ хъавантæ бадæттын сæ бон нæу. Зæронд канализаци сæ хъыгдары. Ис тæссаг уавæры. Раздæр хæтæлтæ цыдысты стратегион нысаниуæгимæ объекты галиуварс. Ныр та уыдзысты рахизы 'рдыгæй. Канализаци галиу фарсæй хъæудзæн рахизы 'рдæм раивын. Куыддæр былгæроны цæджындзтæм бавналæн уа, афтæ æнцойгæнæнтæ дарддæр аразын райдайдзысты. Участочы хицау Кокуаты Эрикы ныхасмæ гæсгæ, коммуникацитимæ архайд æппæты зындæр у. Газы, дондзæуæн æмæ электрон тыхы хызтæ ног хуызы рацаразын. Куыстытæ æххæстгæнæн организацийы минæвæрттæ куыд фæнысан кодтой, афтæмæй Ногиры хидæн сцæттæ йæ 60%. Ног хиды фæтæн уыдзæн 18 метры, йæ дæргъ та – 136 метры. Уыдзæн æм дыууæрдыгæй бацæуæнтæ, йæ кæрæттæ æхгæд уыдзысты гæрæнæй, уыдзæн дзы рухсытæ конд æмæ фистæгцæуджытæн фæндаг. Сараздзысты фыдбылыз ма ’руадзынæн мадзæлттæ. Цæмæй бæлццæттæ мацы къуылымпытæ æвзарой, ууыл бæстонæй архайдзысты. Ногиры хидæн ныр донивылдтæ ницы тас уыдзысты, фидарæй зæгъынц арæзтадон фæзыл. Раздæр ахæм объекттæ арæзтой æнæ цæджындзтæй. Ныр архайд фæивта. Алы фидаргæнæн конструкци дæр арæзт у 14 цæджындзæй, кæцытæ зæххы бынмæ ныссагътой 20 метры. Специалисттæ зæгъынц, объект хъуамæ хæрзхъæд æмæ æдас уа. Куыд зонæм, афтæмæй 2023-æм азы дон раивылд æмæ Ногирмæ хæстæг Терчы доны сæрты хид фехæлдта. Ныккалдысты йæ астæуккаг цæджындзтæ. Хорз уыд, æмæ дзы уыцы рæстæг хъыгдард ничи баййæфта. Хид сарæзтой 1972-æм азы. Фæндзай азæй фылдæр лæггад кодта Ногиры, Заводы поселочы, Михайловскæйы æмæ иннæ хъæутæн. Йæ фæрцы горæтæй кæнæ та горæтмæ бахизæн уыд тагъддæр, сæйраг уынгты иувæрсты. Фæндаг æхгæд кæй æрцыд, уымæ гæсгæ стыр уæз цæуы Дзæуджыхъæуы бирæ уынгтыл, хæдтулгæтæй дзы ацæуæн нал вæййы. Арæзтад кæронмæ хъуамæ ацы фæззæг фæуа. Куыстытæ æххæстгонд цæуынц «Цардæн хъæугæ инфраструктурæ» национ проектмæ гæсгæ.