"Хуссар-Ныгуылæн" дæлстанцæйы арæзт æрцыд фыдбылызы ныхмæ тренировкæ

Объектмæ бахизыны размæ ма радхæсджытæ иу хатт æркастысты хъахъхъæнæн гæрзтæм. Ацы архайд æнæмæнг у тренировкæйы рæстæг дæр. Фенынц амонæн дæр. Æрымысгæ цаумæ гæсгæ фыдбылыз æрцыд "Хуссар-Ныгуылæн" дæлстанцæйы. Хъыгдæрд баййæфта тынгады трансформатор, уымæ гæсгæ электрон тых фесæфт. Оперативон бригад архайы раст æмæ цырд. Радхæссæг куыстыты алы къæпхæны тыххæй дæр хъусын кæны диспетчерæн. "Хуссар-Ныгуылæн" дæлстанцæ горæты егъаудæртæй иу у. Æххæст кæны 4 дæлстанцæйы. Уыдон иумæ электрон тыхæй ифтонг кæнынц 100 мин адæймаджы æмæ социалон ахсджиаг объекттæ. Ахсджиаг уыд фыдбылызтæ ма 'руадзыны тренировкæйы раст архайд сфæлтæрын. Фыдбылызты ныхмæ тренировкæ скодтой пъланы æддæ. Уæрæсейы энергетикæйы министрады фыстæгмæ гæсгæ, хъуамæ æрæзт æрцæуой электроэнергетикæйы алы организацийы дæр. Архайды æууæлтæ дæр ведомство снысан кодта. Хызтæн дзуапдæттæг хайады разамонæджы ныхæстæм гæсгæ сæ размæ æвæрд хæстæ бæстонæй сæххæст кодтой. Тренировкæйы архайджытæ куыстой фæткмæ гæсгæ, сæ зонындзинæдтæ æмæ фæлтæрдзинад ма ноджы иу хатт сбæрæг кодтой.