Дзæуджыхъæуы базылдысты Коцойы-фырты уынджы æхсæнадон бынатмæ

Дзæуджыхъæуы базылдысты Коцойы-фырты уынджы æхсæнадон бынатмæ. Кæронмæ æрхæццæ Инæлар Плиты Иссæйы уынгæй Гæдиаты Цомахъы уынджы онг Терчы бæлгæроны цалцæджы радон куыстыты къæпхæн дæр. Тезгъо кæнæн бынатæн баивтой зæронд уæлцъар, сæвæрдтой дзы 59 ног рухсгæнæн цæджындзы, бандæттæ æмæ бырондæттæ. Ацы зонæйы куыстытæ сты комплексон проекты иу хай. Тагъд рæстæджы бавналдзысты былгæроны дæллаг хаймæ дæр. Рацарæзт цæуы Национ проект "Жилье и городская среда" федералон программæмæ гæсгæ.