Шывра та йĕркене пăхăнмалла

Хĕвел ытларах та ытларах хĕртме пуçларĕ. Çыран хĕрринче киленсе выртакансен йышĕ ӳссех пырать. Чăваш Енре шыва кĕме 13 пляж тата районсенче 128 ятарлă вырăн хатĕрленĕ. Шыва кĕнĕ чухне мĕн пĕлмелле? Хĕвел çинче хĕртĕнсе шывра чăмпăлтатакансем йĕркесене пăхăнаççĕ-и-ха? Çак тата ытти ыйтăва Раççейри синкерлĕ лару-тăру министерствин Чăваш Республикинчи управленийĕн пай пуçлăхĕпе Герман Майковпа уçăмлатрăмăр.