Мæздæджы районы ныр афæдз æнтыстджынæй кусы моделон чиныгдон

Мæздæджы районы ныр афæдз æнтыстджынæй кусы моделон чиныгдон. Терская станицæйы раздæры заууат бæстыхай банывыл кодтой, сарæзтой дзы нырыккон бынат. Ныридæгæн чингуытæ бакæсынæй уæлдай ам ис аныхас кæнæн, сфæлдыстады хи фæлварын, рæстæг пайдаимæ æрвитыны гæнæн. Йæ дуæрттæ гом вæййынц куыд кæстæртæн, афтæ хистæртæн дæр. Чиныджы ноггонд фонд, стъолыл хъæзтытæ, мультимеди, интернет æмæ нымæцон фæрæзтæй пайда кæныны гæнæн. Ис дзы дæсныйадæвдисæг ахуыртæ бæбæрæг кæнæн кæнæ та чингуытимæ баст мадзæлттæ саразæн. Ног чиныгдоны сæ зонындзинæдтæ парахат кæнынц æгас Мæздæджы районы цæрджытæ.