Ասուլիս. «Մուսաները պետք է լռե՞ն, երբ խոսում են թնդանոթները»

Որքանո՞վ է արդարացի այս պնդումը, որի ակունքները գալիս են դեռևս Հին Հռոմի ժամանակներից։ Արվեստի մարդիկ հայրենիքի համար ծանր ժամանակներում պետք է գնան անժամկետ արձակուրդ` մինչև գան «լավ ժամանակնե՞ր», թե՞ հակառակը՝ աշխատեն, ստեղծագործեն կրկնապատկված էներգիայով։ Արդիակա՞ն է արդյոք մշակութային մոբիլիզացման գաղափարը։ Այս մասին սեպտեմբերի 26-ին՝ ժամը 13: 00-ին, Sputnik Արմենիա մամուլի կենտրոնում կխոսեն ՀՀ վաստակավոր արտիստ, Չայկովսկու անվան 14-րդ միջազգային մրցույթի հաղթող, թավջութակահար Նարեկ Հախնազարյանը, «High fest» միջազգային թատերական փառատոնի նախագահ Արթուր Ղուկասյանը, «Ոսկե Ծիրան»միջազգային կինոփառատոնի գեղարվեստական ղեկավար Կարեն Ավետիսյանը, դերասան, երգիչ Հայկ Պետրոսյանը։