Шаби эҷодии Баҳодур Неъматов дар Душанбе чӣ гуна гузашт?

Ба муносибати 50-солагии фаъолияти ҳунарии Баҳодур Неъматов дар Филармонияи давлатии Тоҷикистон консерт баргузор шуд ва санъаткорону мухлисони суруду мусиқиро гирди ҳам овард. Баҳодур Неъматов таронаҳоеро суруд, ки ним аср боз замзама мешавад. Аммо аксари сурудҳои консерт тоза эҷод шудаанд. “Замзамаи зиндагӣ” - номи яке аз сурудҳои Баҳодур Неъматов унвони ин барномаи консертӣ буд. Ӯ бо суруди “Хуш омадед” шаби эҷодиашро оғоз кард ва пасон таронаҳои “Маҳраме ҷӯям”, “Тарабангез” ва “Нанги зиндагонӣ”-ро сароид. Дар шаби эҷодии Баҳодур Неъматов бештар солмандон ширкат доштанд, вале ин шаби ҷавонӣ ҳам буд. Худи овозхон таронаҳои “Ҷавониям ҷавонӣ”, “Дунёи ҷавонӣ”, “Ёракон рақсе кунед” ва “Попурии ҷавонӣ”-ро суруду зери оҳанги ӯ ҷавонон ҳам рақсиданд. Лайф: Ҷавониям ҷавонӣ... “Чу механдӣ”, “Чашми сиёҳе дорӣ”, “Майда - майда мерақсӣ” ва “Боз ошиқ шавам” сурудҳои даврони ҷавонии Баҳодур Неъматов аст, ки ҳоло ҳам вирди забони ҷавонҳо аст. Дар шаби эҷодӣ ин сурудҳои бо кафкӯбӣ истиқобол шуд. Подписывайтесь на наш канал, и посетите наш: Веб-сайт: https://asiaplustj.info Facebook: https://facebook.com/asiaplustj Instagram: https://instagram.com/asiaplustj #точикистон #asiaplus