ܝܶܫܽܘܥ ܡܫܺܝܚܳܐ

ܝܽܘܚܰܢܳܢ - 3:3  ܥܢܳܐ ܝܶܫܽܘܥ ܘܶܐܡܰܪ ܠܶܗ ܐܰܡܺܝܢ ܐܰܡܺܝܢ ܐܳܡܰܪ ܐܢ̱ܳܐ ܠܳܟ ܕܶܐܢ ܐ̱ܢܳܫ ܠܳܐ ܡܶܬܺܝܠܶܕ ܡܶܢ ܕܪܺܝܫ ܠܳܐ ܡܶܫܟܰܚ ܕܢܶܚܙܶܐ ܡܰܠܟܽܘܬܶܗ ܕܰܐܠܳܗܳܐ ܀ ܪܽܘܡܳܝܶܐ - 3:23  ܡܶܛܽܠ ܕܟܽܠܗܽܘܢ ܚܛܰܘ ܘܚܰܤܺܝܪܺܝܢ ܡܶܢ ܬܶܫܒܽܘܚܬܶܗ ܕܰܐܠܳܗܳܐ ܀ ܓܶܠܝܳܢܳܐ - 21:8  ܠܕܰܚܽܘܠܬܳܢܶܐ ܕܶܝܢ ܘܠܳܐ ܡܗܰܝܡܢܶܐ ܘܚܰܛܳܝܶܐ ܘܰܡܤܰܝܒܶܐ ܘܩܳܛܽܘܠܶܐ ܘܙܰܢܳܝܶܐ ܘܚܰܪܳܫܶܐ ܘܦܳܠܚܰܝ ܦܬܰܟܪܶܐ ܘܟܽܠܗܽܘܢ ܕܰܓܳܠܶܐ ܡܢܳܬܳܐ ܕܺܝܠܗܽܘܢ ܒܝܰܡܬܳܐ ܗܳܝ ܕܝܳܩܕܳܐ ܒܢܽܘܪܳܐ ܘܟܶܒܪܺܝܬܳܐ ܗܳܝ ܕܺܐܝܬܶܝܗ ܡܰܘܬܳܐ ܗܰܘ ܬܰܢܝܳܢܳܐ ܀ ܪܽܘܡܳܝܶܐ - 6:23  ܬܶܐܓܽܘܪܬܳܐ ܕܶܝܢ ܕܰܚܛܺܝܬܳܐ ܡܰܘܬܰܐ ܗ̱ܘ ܘܡܰܘܗܰܒܬܶܗ ܕܰܐܠܳܗܳܐ ܚܰܝܳܐ ܕܰܠܥܳܠܰܡ ܒܡܳܪܰܢ ܝܶܫܽܘܥ ܡܫܺܝܚܳܐ ܀ ܦܺܝܠܺܝܦܺܝܣܳܝܶܐ - 2:6  ܗܰܘ ܕܟܰܕ ܐܺܝܬܰܘܗ̱ܝ ܒܰܕܡܽܘܬܳܐ ܕܰܐܠܳܗܳܐ ܠܳܐ ܗ̱ܘܶܐ ܚܛܽܘܦܳܝܐ ܚܰܫܒܳܗ ܗܳܕܶܐ ܕܺܐܝܬܰܘܗ̱ܝ ܦܶܚܡܳܐ ܕܰܐܠܳܗܳܐ ܀ ܪܽܘܡܳܝܶܐ - 5:8-9  ܗܳܪܟܳܐ ܡܚܰܘܶܐ ܐܰܠܳܗܳܐ ܚܽܘܒܶܗ ܕܰܠܳܘܬܰܢ ܕܶܐܢ ܟܰܕ ܚܰܛܳܝܶܐ ܐܺܝܬܰܝܢ ܗ̱ܘܰܝܢ ܡܫܺܝܚܳܐ ܚܠܳܦܰܝܢ ܡܺܝܬ ܀  ܟܡܳܐ ܗܳܟܺܝܠ ܝܰܬܺܝܪܳܐܺܝܬ ܢܶܙܕܰܕܰܩ ܗܳܫܳܐ ܒܰܕܡܶܗ ܘܒܶܗ ܢܶܬܦܰܨܶܐ ܡܶܢ ܪܽܘܓܙܳܐ ܀ ܐܶܦܶܣܳܝܶܐ- 1:7  ܕܒܶܗ ܐܺܝܬ ܠܰܢ ܦܽܘܪܩܳܢܳܐ ܘܒܰܕܡܶܗ ܫܽܘܒܩܳܢܳܐ ܕܰܚܛܳܗܶܐ ܐܰܝܟ ܥܽܘܬܪܳܐ ܕܛܰܝܒܽܘܬܶܗ ܀ ܪܽܘܡܳܝܶܐ - 10:9  ܘܶܐܢ ܬܰܘܕܶܐ ܒܦܽܘܡܳܟ ܒܡܳܪܰܢ ܝܶܫܽܘܥ ܘܬܗܰܝܡܶܢ ܒܠܶܒܳܟ ܕܰܐܠܳܗܳܐ ܐܰܩܺܝܡܶܗ ܡܶܢ ܒܶܝܬ ܡܺܝܬܶܐ ܬܺܚܶܐ ܀ ܝܽܘܚܰܢܳܢ - 20:31  ܐܳܦ ܗܳܠܶܝܢ ܕܶܝܢ ܕܰܟܬܺܝܒܳܢ ܕܰܬܗܰܝܡܢܽܘܢ ܕܝܶܫܽܘܥܽ ܗ̱ܘ ܡܫܺܝܚܳܐ ܒܪܶܗ ܕܰܐܠܳܗܳܐ ܘܡܳܐ ܕܗܰܝܡܶܢܬܽܘܢ ܢܶܗܘܽܘܢ ܠܟܽܘܢ ܒܰܫܡܶܗ ܚܰܝܶܐ ܕܰܠܥܳܠܰܡ ܀ ܪܽܘܡܳܝܶܐ - 10:13  ܟܽܠ ܓܶܝܪ ܕܢܶܩܪܶܐ ܫܡܶܗ ܕܡܳܪܝܳܐ ܢܺܚܶܐ ܀ ܝܽܘܚܰܢܳܢ - 3:36  ܡܰܢ ܕܰܡܗܰܝܡܶܢ ܒܰܒܪܳܐ ܐܺܝܬ ܠܶܗ ܚܰܝܶܐ ܕܰܠܥܳܠܰܡ ܘܡܰܢ ܕܠܳܐ ܡܬܶܛܦܺܝܤ ܠܰܒܪܳܐ ܠܳܐ ܢܶܚܙܶܐ ܚܰܝܶܐ ܐܶܠܳܐ ܪܽܘܓܙܶܗ ܕܰܐܠܳܗܳܐ ܢܩܰܘܶܐ ܥܠܰܘܗ̱ܝ ܀