2,5 мин адæймаджы ныффыстой "Географион диктант"

2,5 мин адæймагмæ 'ввахс ныффыстой "Географион диктант". Мадзалы сæйраг фæзуат — Цæгат Ирыстоны паддзахадон университет, æдæппæтæй та сты 58. Комкоммæ хуызы дзы архайдтой скъоладзаутæ, студенттæ æмæ Суворовы номыл училищæйы ахуырдзаутæ. Фæрстытæ нейрохызты 'руаджы фехъусын кодтой Лев Толстой, Сергей Есенин æмæ Федор Шаляпины хъæлæстæй. 10-æм юбилейон диктанты кадæн географион æхсæнады регионалон хайад сарæзта лæвæрттæ рамбулыны фæдыл æркаст. Фæнысан кæндзыстæм, 9 азмæ рухстауæн акцийы сæ зонындзинæдтæ сбæрæг кодтой 3,5 милуан адæймагæй фылдæр. Уыимæ, мадзаларзджыты ныхæстæм гæсгæ, сæ нымæц æппынæдзух рæзы.