Горькийы номыл уынджы сæйраг паркмæ бахизæны байгом сæрмагонд равдыст

Цыппæркъахыг хæлар райсын æмæ йын ног цард балæвар кæнын алкæй бон дæр у. Горькийы номыл уынджы сæйраг паркмæ бахизæны байгом сæрмагонд равдыст. Стендтыл фенæн ис приютты куыйты хуызистытæ, фыст дзы ис сæ истори. Мадзаларзджытæ зæрдæ дарынц, равдысты руаджы сæхицæн хицæуттæ кæй ссардзысты, ууыл. Цæрæгойтæн се 'ппæтæн дæр ис привикæтæ конд. Равдыст бацæттæ кодтой цæрджытæ, Дзæуджыхъæуы администрацийы культурæйы управлени æмæ Дзæуджыхъæуы питомникы специалисттæ.