Сергей Меняйло амыдта æрвылкъуырион аппаратон æмбырд
Цæгат Ирыстоны 30 скъолайы бындуронæй сцалцæг кæндзысты декабры кæронмæ. Уый тыххæй аппаратон æмбырды фехъусын кодта ахуырад æмæ наукæйы министр Алыбегты Эллæ. Парахатæй цæттæ кæнынц ног ахуыры азмæ дæр. Фыццæгæм къласмæ бацæуыны фæдыл балæвæрдтой 6 мин курдиатмæ хæстæг. Сергей Меняйло бахаста хъæппæрис, цæмæй ныййарджытæм æрвитой смс-хъусынгæнинаг сæ цоты сын кæй райстой, уый фæдыл. Ныхас кодтой æнæниздзинадхъахъхъæнынадыл дæр. Дзуапдæттæг ведомствойы бæрæггæнæнтæм гæсгæ, диспансеризаци ацыдысты 190 мин адæймаджы, уыдонæй 65 мины сты сывæллæттæ. Иу ахсджиаг фарста ма - боныхъæд. Абон æмæ райсом, гæнæн ис æмæ уа тæрккъæвдатæ тыхджын дымгæимæ. Цæугæдæтты æмвæзад, гæнæн ис, æмæ фæбæрзонддæр уа тæссаг бæрæггæнæнты онг, хæхты æрцæуой дурзæйтæ. Дзæуджыхъæуы, Горæтгæрон æмæ Алагиры районты снысан кодтой бæрзонд цæттæдзинады фæтк. Сæргълæууæг бабар кодта аваритæ æвæстиатæй иуварс кæнын. Ныхас ма цыд туризмы парахатыл дæр. Уæрæсейы экономикон райрæзты министрад сразы 9 проектимæ, ныхас цæуы 2027-æм азмæ модулон фысымуæттæ скæныныл. Субсидиты иумæйаг гуырахст у 2 млрд соммæ хæстæг.
Цæгат Ирыстоны 30 скъолайы бындуронæй сцалцæг кæндзысты декабры кæронмæ. Уый тыххæй аппаратон æмбырды фехъусын кодта ахуырад æмæ наукæйы министр Алыбегты Эллæ. Парахатæй цæттæ кæнынц ног ахуыры азмæ дæр. Фыццæгæм къласмæ бацæуыны фæдыл балæвæрдтой 6 мин курдиатмæ хæстæг. Сергей Меняйло бахаста хъæппæрис, цæмæй ныййарджытæм æрвитой смс-хъусынгæнинаг сæ цоты сын кæй райстой, уый фæдыл. Ныхас кодтой æнæниздзинадхъахъхъæнынадыл дæр. Дзуапдæттæг ведомствойы бæрæггæнæнтæм гæсгæ, диспансеризаци ацыдысты 190 мин адæймаджы, уыдонæй 65 мины сты сывæллæттæ. Иу ахсджиаг фарста ма - боныхъæд. Абон æмæ райсом, гæнæн ис æмæ уа тæрккъæвдатæ тыхджын дымгæимæ. Цæугæдæтты æмвæзад, гæнæн ис, æмæ фæбæрзонддæр уа тæссаг бæрæггæнæнты онг, хæхты æрцæуой дурзæйтæ. Дзæуджыхъæуы, Горæтгæрон æмæ Алагиры районты снысан кодтой бæрзонд цæттæдзинады фæтк. Сæргълæууæг бабар кодта аваритæ æвæстиатæй иуварс кæнын. Ныхас ма цыд туризмы парахатыл дæр. Уæрæсейы экономикон райрæзты министрад сразы 9 проектимæ, ныхас цæуы 2027-æм азмæ модулон фысымуæттæ скæныныл. Субсидиты иумæйаг гуырахст у 2 млрд соммæ хæстæг.