Центр "Вершина"-йы кæронмæ æрхæццæ сты скъоладзауты ахуырадон-тренировкæгæнæн мадзæлттæ

Ахуырадон центр "Вершина"-йы кæронмæ æрхæццæ сты скъоладзауты ахуырадон-тренировкæгæнæн мадзæлттæ. Уый фæдыл фæсивæдæн радтой сертификаттæ. Ивгъуыд къуыри сæ республикон, уыимæ Мæскуыйы уæлдæр ахуыргæнæндæтты цæттæ кодтой истори æмæ литературæйæ олимпиадæтæм. Цæгат Ирыстон, Мæскуы, Санкт-Петербург, Стъарапол, Ног Уренгой æмæ Краснодарæй архайджытæ куыстой хæслæвæрдтыл, ахуыр кодтой проекттæ фыссын. Педагогтæ уæлдай æргом аздæхтой зындæр фæрстытæм, зонгæ кодтой ног алгоритмтимæ. Специалисттæ куыд бæрæг кæнынц, афтæмæй сæрдыгон интенсивтæ сты пайда.