Ասուլիս. վերածնված «Արցախ» կամերային նվագախմբի առաջին համերգը

Դեկտեմբերի 23-ին Կամերային երաժշտության տանը տեղի կունենա վերածնված «Արցախ» կամերային նվագախմբի առաջին համերգը։ Նվագախմբի հոգաբարձուների խորհրդի անդամ, օպերային երգչուհի, ՀՀ ժողովրդական արտիստ Հասմիկ Պապյանը և հոգաբարձուների խորհրդի անդամ, թավջութակահար, Հայաստանի վաստակավոր արտիստ, նվագախմբի գեղարվեստական ղեկավար և գլխավոր դիրիժոր Նարեկ Հախնազարյանը դեկտեմբերի 20-ին` ժամը 13.00-ին, Sputnik Արմենիա մուլտիմեդիոն մամուլի կենտրոնում մանրամասն կպատմեն, թե ինչպես են վերականգնել նվագախումբը և ինչպես են կրկին հավաքել երաժիշտներին: