Республикон клиникон рынчындоны дохтыртæ скодтой зын операци ног методикæмæ гæсгæ

Цæгат Ирыстоны дохтыртæ аирвæзын кодтой пациенкæйы цард. Раздæр ын сæ бон Мæскуыйы дæр ницы бацис скæнын. Республикон клиникон рынчындоны уыргтæн ахæм операци фыццаг хатт сарæзтой. Хуымæтæгдæр дзургæйæ, пациент йæхæдæг йæхицæн сси донор. Йæ орган ын рахастой йæхи бынат анатомион æгъдаумæ гæсгæ кæм ис, уымæй чысыл дæлдæр. Низ 60 аздзыд сылгоймаджы бирæ азты тыхсын кодта, æрмæст ын операцийы хуызы уыд баххуыс кæнæн. Шалаат Юсупова æххуысмæ фæцыд Мæскуыйы дохтыртæм. Специалисттæ æрцыдысты ахæм хъуыдымæ. Органæн цы хай нæ фаг кæны, уый тъангæй баххæст кæнын кæнæ та уырг сисын. Уæд пациенткæ бацыд республикон клиникон рынчындонмæ. Мизвæд фæфæтæндæр кæнынæн бахъуыд аст сахаты. Операцийы фæстæ пациенты уавæр фæхуыздæр. Шалаат Юсуповайы рынчындонæй рафыстой. Ныртæккæ сылгоймаг йæ бинонты æххуысæй фидар кæны йе нæниздзинад. Йæ уырг æй нал хъыгдары. Республикон Клиникон рынчындоны куыд фæнысан кодтой, афтæмæй ацы æнтыстдзинадыл æрлæууынмæ нæ хъавынц. Дарддæр дæр кусдзысты транцплантацийы парахатыл. Ацы фæзилæн нырыккон медицинæйы сæйрагдæртæй иу у, зæгъынц специалисттæ.