Црауы культурæйы хæдзар рацарæзты фæстæ æнтыстджынæй кусы
Сæ курдиат æгæрон, сæ дарæс аив, сæ тырнындзинад та фæзминаг. Чысыл зарæггæнджытæ ныртæккæ сæхи конкурсмæ цæттæ кæнынц. Сценæмæ рахизгæйæ сæ арæхстдзинад æххæстæй æвдисынц. Гæззаты Аланæ къордмæ ... аздзыдæй æрбацыд. Цардбæллон, зæрдæхæлар æмæ курдиатджын чызг алкæддæр раззагдæртимæ вæййы. Йæ ахуыргæнджытæ дæр дзы разы сты. Чысыл артисткæ йæхи фæлвары театралон къорды дæр. Уым дæр у æнтыстджын. Црауы культурæйы хæдзары рацарæзты фæстæ фæзынд æппæт уавæртæ дæр. Кæстæрæй хистæрмæ дзы алчидæр ссардзæн зæрдæмæдзæугæ архайд. Къордтæ архайджытæй цух не ййафынц, се 'хсæн вокалон, хореографион кълæстæ. Клубы бындурыл ма кусы адæмон ансамбль "Амонд". Коллективтæ æппынæдзух архайынц районты æмæ республикон конкурсты. Фæсивæд уæлдай æхсызгонæй бæрæг кæнынц хореографийы къорд. Æппæты кæстæр архайæгыл цæуы 5 азы, хистæрыл та 80. Æмткæй культурæйы артдзæстмæ цæуынц 225 адæймаджы. Сывæллæтты 'хсæн ма парахат у театралон къорд дæр. Разамынд ын дæтты фæлтæрдджын педагог Болататы Зæлинæ. Йæ хъомылгæинæгтимæ спектакльтæ сæвæрынц дунейы æмæ уырыссаг классикæйы бындурыл. Ахуырты фæрцы фæсивæд сценæйыл сты ныфсджын, æргом кæнынц сæ хуыздæр миниуджытæ, кæрæдзийæн свæййынц хорз хæлæрттæ. Равдыстытæм иумæйагæй бацæттæ кæнынц декорацитæ. Культурæйы артдзæст рацарæзтой 2022-æм азы. Раздæры бæстыхайæ ма баззад æрмæст къултæ. Ныртæккæ дзы алцыдæр у ног. Кусæндон ифтонггонд у æппæт хъæугæ кусæнгæрзтæй, нырыккон аппаратурæйæ, микрофонтæй, национ уæлæдарæсæй. Сæйрагдæр та дзы фæзынд æппæт коммуникацитæ дæр. Райдзаст залы ис 200 бынаты, стыр сценæ, æппæт агъуыстыты дæр сæвæрдтой ног мебель. Дыккæгæм уæладзыджы æрбынат кодтой конференц-зал, чиныгдон. Музыкалон инструменттæ æмæ сценæйы ифтонггæрзтæн дæр радих кодтой хицæн уат. Хъæуы цæрджытæн культурæйы хæдзар сси уарзон бынат. Кæстæртæн дзы фадат ис сæ курдиат раргом кæнынæн, ам æххæст кæнынц сæ бæллицтæ, хистæртæ дæр æй æхсызгонæй бабæрæг кæнынц, цин кæнынц сывæллæтты уавæртыл, аргъ сын кæнынц сæ архайдæн.
Сæ курдиат æгæрон, сæ дарæс аив, сæ тырнындзинад та фæзминаг. Чысыл зарæггæнджытæ ныртæккæ сæхи конкурсмæ цæттæ кæнынц. Сценæмæ рахизгæйæ сæ арæхстдзинад æххæстæй æвдисынц. Гæззаты Аланæ къордмæ ... аздзыдæй æрбацыд. Цардбæллон, зæрдæхæлар æмæ курдиатджын чызг алкæддæр раззагдæртимæ вæййы. Йæ ахуыргæнджытæ дæр дзы разы сты. Чысыл артисткæ йæхи фæлвары театралон къорды дæр. Уым дæр у æнтыстджын. Црауы культурæйы хæдзары рацарæзты фæстæ фæзынд æппæт уавæртæ дæр. Кæстæрæй хистæрмæ дзы алчидæр ссардзæн зæрдæмæдзæугæ архайд. Къордтæ архайджытæй цух не ййафынц, се 'хсæн вокалон, хореографион кълæстæ. Клубы бындурыл ма кусы адæмон ансамбль "Амонд". Коллективтæ æппынæдзух архайынц районты æмæ республикон конкурсты. Фæсивæд уæлдай æхсызгонæй бæрæг кæнынц хореографийы къорд. Æппæты кæстæр архайæгыл цæуы 5 азы, хистæрыл та 80. Æмткæй культурæйы артдзæстмæ цæуынц 225 адæймаджы. Сывæллæтты 'хсæн ма парахат у театралон къорд дæр. Разамынд ын дæтты фæлтæрдджын педагог Болататы Зæлинæ. Йæ хъомылгæинæгтимæ спектакльтæ сæвæрынц дунейы æмæ уырыссаг классикæйы бындурыл. Ахуырты фæрцы фæсивæд сценæйыл сты ныфсджын, æргом кæнынц сæ хуыздæр миниуджытæ, кæрæдзийæн свæййынц хорз хæлæрттæ. Равдыстытæм иумæйагæй бацæттæ кæнынц декорацитæ. Культурæйы артдзæст рацарæзтой 2022-æм азы. Раздæры бæстыхайæ ма баззад æрмæст къултæ. Ныртæккæ дзы алцыдæр у ног. Кусæндон ифтонггонд у æппæт хъæугæ кусæнгæрзтæй, нырыккон аппаратурæйæ, микрофонтæй, национ уæлæдарæсæй. Сæйрагдæр та дзы фæзынд æппæт коммуникацитæ дæр. Райдзаст залы ис 200 бынаты, стыр сценæ, æппæт агъуыстыты дæр сæвæрдтой ног мебель. Дыккæгæм уæладзыджы æрбынат кодтой конференц-зал, чиныгдон. Музыкалон инструменттæ æмæ сценæйы ифтонггæрзтæн дæр радих кодтой хицæн уат. Хъæуы цæрджытæн культурæйы хæдзар сси уарзон бынат. Кæстæртæн дзы фадат ис сæ курдиат раргом кæнынæн, ам æххæст кæнынц сæ бæллицтæ, хистæртæ дæр æй æхсызгонæй бабæрæг кæнынц, цин кæнынц сывæллæтты уавæртыл, аргъ сын кæнынц сæ архайдæн.