Хуссар Ирыстоны дуркуыстгæнæн завод рауагъта фыццаг продукци
Тагъд рæстæджы фонтаны æддаг хуыз уыдзæн дурæй, уыимæ хуымæтæгæй нæ, фæлæ æцæг диоритæй. У бынæттон, амал æй кæнынц Дзауы, Знауыры æмæ Цхинвалы районты. Ацы бынæтты ис мрамор, диабаз æмæ габбро-диабазы стыр æвæрæнтæ. Дæсгай тоннæйы бæрц æрдзон дуртæ къахæнтæй ласынц мæнæ ардæм, ацы ран сæ лыг кæнынц сæрмагонд гарзæй. Оператор программæйы руаджы снысан кæны, цавæр хуызы хъуамæ æрцæуа лыг æмæ афтæмæй ифтонггарз æрмæгыл райдайы кусын. Дуры егъау хæйттæй куыд фæстиуæг, афтæ рауайы бордюртæ, брусчаткæ æмæ архитектурон дзауматæ. Зæгъæм, вазонтæ, фонтантæ æмæ æндæр цымыдисаг дзауматæ. Дзырдæн, кондады хауæццæгтæ æппындæр нæй, ома кусынц æнæ уæлдайæ. Цы лыстæг дур дзы хауы, уымæй аразынц фидар бетон. Ахсджиаг ма у уый, æмæ æппæт архайд дæр у экологон æгъдауæй сыгъдæг. Куыстуат ацыд æмбæлгæ иртæстытæ æмæ æнтыстджын æмгуыст кæны республикæйы профилон комитетимæ. Хуссар Ирыстоны дуры иунæг завод байгом кодтой Цхинвалы завод "Электровибромашина"-йы фæзуатыл. Пайда кæнынц зæронд цехæй, йæ фарсмæ та ма сарызтой ноджы иу. Архайын райдыдтой мартъийы, фыццаг продукци та рауагътой июлы. Хæстаг рæстæг ма æрбаласдзысты ног кусæнгæрзтæ Китайæ. Дзырдæн, куытуат ныридæгæн исы егъау заказтæ. Æрæджы та ма дуры ног хуызæгтæ аластой Цæгат Кавказы хæххон-металлургон институтмæ. Специалистты ныхæстæм гæсгæ, Хуссар Ирыстоны ис æмбал кæмæн дуры ахæм хуыз, лазуритимæ хæццæ. Уыимæ ма, дуркъахæнты куыд бындæр, афтæ хуыздæр кæны дуры хæрзхъæддзинад дæр. Рæзы кондады бæрц. Уый тыххæй та Хуссар Ирыстоны разамынд куыстуатæн аразынц æппæт уавæртæ дæр. Хицæн æргом — кусджыты зонындзинæдтæ бæрзонддæр кæныны хъуыддаг. Уый тыххæй та æрбахуыдтой фæлтæрдджын специалистты. Куыст парахат кæнынæн æххуыс кæнынц Цæгатирыстойнаг геологтæ æмæ "Ир-гранит"ы специалисттæ. Зæгъын ма хъæуы уый, æмæ заводы ныридæгæн кусы 40 адæймаджы бæрц. Æхсызгон та уый у, æмæ дзы фидæны кæй фæзындзæн сæдæйæ фылдæр куысты бынаты. Ам фидарæй зонынц, Хуссарирыстойнаг продукци парахат уыдзæн канд республикæйы нæ, фæлæ фæсарæнты дæр.
Тагъд рæстæджы фонтаны æддаг хуыз уыдзæн дурæй, уыимæ хуымæтæгæй нæ, фæлæ æцæг диоритæй. У бынæттон, амал æй кæнынц Дзауы, Знауыры æмæ Цхинвалы районты. Ацы бынæтты ис мрамор, диабаз æмæ габбро-диабазы стыр æвæрæнтæ. Дæсгай тоннæйы бæрц æрдзон дуртæ къахæнтæй ласынц мæнæ ардæм, ацы ран сæ лыг кæнынц сæрмагонд гарзæй. Оператор программæйы руаджы снысан кæны, цавæр хуызы хъуамæ æрцæуа лыг æмæ афтæмæй ифтонггарз æрмæгыл райдайы кусын. Дуры егъау хæйттæй куыд фæстиуæг, афтæ рауайы бордюртæ, брусчаткæ æмæ архитектурон дзауматæ. Зæгъæм, вазонтæ, фонтантæ æмæ æндæр цымыдисаг дзауматæ. Дзырдæн, кондады хауæццæгтæ æппындæр нæй, ома кусынц æнæ уæлдайæ. Цы лыстæг дур дзы хауы, уымæй аразынц фидар бетон. Ахсджиаг ма у уый, æмæ æппæт архайд дæр у экологон æгъдауæй сыгъдæг. Куыстуат ацыд æмбæлгæ иртæстытæ æмæ æнтыстджын æмгуыст кæны республикæйы профилон комитетимæ. Хуссар Ирыстоны дуры иунæг завод байгом кодтой Цхинвалы завод "Электровибромашина"-йы фæзуатыл. Пайда кæнынц зæронд цехæй, йæ фарсмæ та ма сарызтой ноджы иу. Архайын райдыдтой мартъийы, фыццаг продукци та рауагътой июлы. Хæстаг рæстæг ма æрбаласдзысты ног кусæнгæрзтæ Китайæ. Дзырдæн, куытуат ныридæгæн исы егъау заказтæ. Æрæджы та ма дуры ног хуызæгтæ аластой Цæгат Кавказы хæххон-металлургон институтмæ. Специалистты ныхæстæм гæсгæ, Хуссар Ирыстоны ис æмбал кæмæн дуры ахæм хуыз, лазуритимæ хæццæ. Уыимæ ма, дуркъахæнты куыд бындæр, афтæ хуыздæр кæны дуры хæрзхъæддзинад дæр. Рæзы кондады бæрц. Уый тыххæй та Хуссар Ирыстоны разамынд куыстуатæн аразынц æппæт уавæртæ дæр. Хицæн æргом — кусджыты зонындзинæдтæ бæрзонддæр кæныны хъуыддаг. Уый тыххæй та æрбахуыдтой фæлтæрдджын специалистты. Куыст парахат кæнынæн æххуыс кæнынц Цæгатирыстойнаг геологтæ æмæ "Ир-гранит"ы специалисттæ. Зæгъын ма хъæуы уый, æмæ заводы ныридæгæн кусы 40 адæймаджы бæрц. Æхсызгон та уый у, æмæ дзы фидæны кæй фæзындзæн сæдæйæ фылдæр куысты бынаты. Ам фидарæй зонынц, Хуссарирыстойнаг продукци парахат уыдзæн канд республикæйы нæ, фæлæ фæсарæнты дæр.