Цæгат Ирыстоны фидæны азы бюджеты фарстаты фæдыл къамисы æмбырд ацыд Дзанайты Барисы рахамындæй

Цæгат Ирыстоны фидæны азы бюджеты æфтиæгты бæрц уыдзæн 46,9 млрд сомы бæрц, хæрдзты - 47,7 млрд сомы. Бюджетмæ ивддзинæдтæ бахастой хицауады къамисы æмбырды. Амыдта йæ премьер Дзанайты Барис. Дзанайты Барисы ныхæстæм гæсгæ сæйраг финансон документы вазыгджындæр бæрæггæнæнтæ фæстаг азты хорзырдæм ивынц. Рæзы паддзахадон программæтæ æмæ национ проекттæм гæсгæ бындурон цалцæгæн финансировани дæр. Курдиæттæ дæттыны кампанийы хатдзæгтæм гæсгæ ахæм объекттæн 2025-2027 азты рахай кæндзысты 23 млрд сомы бæрц. Премьер фæнысан кодта 2025-æм азы æппæт ахсджиаг здæхтытæ дæр æххæстгонд кæй æрцæудзысты.