Шалăва вăхăтра тӳлемен

«Чăваш бройлерĕ» предприятинче ĕçлекенсен умĕнчи парăма кĕçех парса татĕç. Ун пирки ĕç укçине вăхăтра тӳлессипе, ĕçсĕрлĕхе чакарассипе çыхăннă ведомствăсен хушшинче йĕркеленĕ координаци канашлăвĕнче пĕлтерчĕç. Паллах, ку ыйтăва татса пама предпряти ĕçченĕсен судра тĕрĕслĕх шырама тивнĕ. Тепĕр 3 миллион тенкĕне çак пĕрлешӳре тăрăшакансем çитес вăхăтра илме пултарĕç. Шалăва вăхăтра тӳлеймен предпритисен ĕç-хĕлне прокуратурăна явăçтарни питĕ тухăçлă пулнине палăртрĕç комисси пайташĕсем.