Ногиры хиды рацарæзт цæуы æнæрлæугæйæ

Ногиры хиды рацарæзт цæуы æнæрлæугæйæ. Уый тыххæй йæ телеграм-каналы фехъусын кодта регионы сæргълæууæг Сергей Меняйло. Йæ ныхæстæм гæсгæ, республикæйы разамынд архайы, цæмæй хиды арæзтады æмгъуыд фæкъаддæр уа. Цæстдард цæуы куыстыты алы къæпхæнмæ дæр. Иртасынц цæджындзты æмæ арæзтадон æрмæджыты хæрзхъæддзинад. Ног хид уыдзæн уæрæхдæр, фылдæр тæлмытимæ, фидаргонд æрцæудзæн цæджындзтыл. Ныртæккæ арæзтадон фæзыл архайынц коммуникацитæ аххæсыныл, хъæддых кæнынц былгæрæттæ, цæттæ кæнынц хидмæ бахизæнтæ.