МОНГОЛ УЛАСАЙ БУЛГАН АЙМАГАЙ ЗАСАГ ДАРГА БАТБАЯРЫН АРИУНЭРДЭНЭ

Бүхы дэлхэйн буряад-монголшуудай түлөөлэгшэд Булган аймагта 2024 оной июлиин 26-28-да уулзажа, зүрхэ сэдьхэлээ доhолгон, урма баяртайгаар, хүхюун дорюунаар наадабабди. Долоон үнгын hолонго мэтэ элдэб үнгэтэй дэгэлээ үмдэhэн, улаан залаагаа хиисхүүлhэн малгайгаа үмдэhэн үбгэд хүгшэд, залуу хүбүүд басагад, бага наhанай үхибүүд “Алтаргана” наадандаа ерээ һэн.