Респубикон клиникон рынчындоны хирургтæн мастер-класс сарæзтой

Пациентæн йæ уæнгбæттæны иугæнæг уæфтæг аскъуыд æмæ йæ уæраджы æрхæг слæмæгъ. Ныртæккæ йын хирургтæ йæ низимæ тох кæнынц. Йе 'ргъиутæй йын ног уæнгбæттæн аразынц æмæ йæ æстджыты каналты уылты ивазынц. Дарддæр æй бафидар кæндзысты, цæмæй рынчын ног зындзинæдтимæ ма сæмбæла. Дмитрий Кубасов Ростовæй ссыд. Йæ фæлтæрддзинадæй хай кæны бынæттон дохтыртæн, зонгæ сæ кæны æндидзын кæныны ног мадзæлттимæ. Æмгуыстады фæрцы хирургтæ кæрæдзи куыстмæ æркæсынц, зæгъы травмотолог Къудухты Давид. Алы дохтыр дæр йæхирдыгонау архайы æмæ йæм байхъусын дæр уый тыххæй у цымыдис. Хирургы мастер-классмæ ссыдысты сыхаг республикæтæй дæр. Операци рауад æнтыстджын. Дохтыр царм æмæ хæцъæфтæ бынтон чысыл лыгтæ акæны æмæ пациент йæ къæхтыл тагъддæр слæууы. Фæсопераци дæр лæмæгъдзинад уыййас нæй. Республикон клиникон рынчындоны æмиу травмæйы хайады разамонæг Плиты Марат зæгъы: "Цæгат Ирыстоны ацы дзæбæхгæнæн мадзæлттæ ног не сты. Æрмæст абон ног æмвæзадмæ рахызтысты". О, теори къаддæр ахсджиаг нæу æмæ уый рохуыты аззайы. Ахæм мастер-класстæ рынчындоны дарддæр дæр кæндзысты, фæхондзысты-иу ноджы фылдæр дохтырты. Хъæугæ ифтонггарз хирургтæм ис.